ລົມພາຍຸມາອີກແລ້ວ! ເຕືອນພາກກາງ ແລະ ພາກໃຕ້ ຈົ່ງມີສະຕິລະວັງຕົວໃຫ້ດີ

146

ກົມອຸຕຸນິຍົມ ແລະ ອຸທົກກະສາດ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ ອອກແຈ້ງການເຕືອນພາຍຸ ດີເປຼຊັນໄດ້ກໍ່ຕົວຢູ່ເຂດທະເລຈີນຕອນລຸ່ມ, ກໍາລັງເຄື່ອນທີ່ໃນທິດຕາເວັນຕົກສ່ຽງເໜືອມີຄວາມໄວສູງສຸດຢູ່ໃກ້ຈຸດສູນກາງ45 ກິໂລແມັດ/ຊົ່ວໂມງ.

May be an image of map and text

ພາຍຸຫົວນີ້ຈະເຄື່ອນທີ່ຂຶ້ນຝັ່ງພາກໃຕ້ຂອງຫວຽດນາມ ໃນຕອນເຊົ້າຂອງວັນທີ 27 ຕຸລາ ແລະ ສືບຕໍ່ເຄື່ອນທີ່ຜ່ານພາກເໜືອຂອງປະເທດກໍາປູເຈຍ ໃກ້ກັບພາກໃຕ້ຂອງປະເທດລາວໃນວັນທີ 28 ຕຸລາ 2021 ນີ້.

ເຮັດໃຫ້ມີຝົນຕົກໃນລະດັບປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນພາກໃຕ້ ແລະ ພາກກາງໃນວັນທີ 26-29 ຕຸລາ 2021.

ແຈ້ງເຕືອນມາຍັງທຸກຄົນຊາບ ແລະ ມີສະຕິລະວັງຕົວ, ສັບຊິນ ແລະ ສັດລ້ຽງຂອງທ່ານ ທີ່ຈະເສຍຫາຍຈາກການຜ່ານເຂົ້າມາຂອງພາຍຸດັ່ງກ່າວ ທີ່ຈະເຮັດໃຫ້ຝົນຕົກໜັກ, ອາກາດປ່ຽນແປງ, ນໍ້າຖ້ວມອັ່ງ, ຕົ້ນໄມ້ຫັກ, ເຮືອນຊານເປ່ເພ ແລະ ຂໍໃຫ້ຕິດຕາມສະພາບອາກາດຢູ່ເປັນປະຈໍາ