ລະວັງ! ອຸຕຸເຕືອນ 1-4​ ເມສານີ້ ຈະເກີດພາຍຸລະດູຮ້ອນ ຝົນຕົກ, ລົມພັດແຮງ ຂໍໃຫ້ມີສະຕິກຽມຮັບມື

1109

ໄລຍະວັນທີ 1 ຫາ 4 ເມສາ 2020 ຈະເກີດມີຝົນຕົກຟ້າຮ້ອງຟ້າເຫຼື້ອມ, ໝາກເຫັບຕົກ, ຟ້າຜ່າ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ຍ້ອນຄວາມກົດດັນສູງຂອງອາກາດເຢັນຈະແຜ່ລົງມາປົກຄຸມ ສົມທົບກັບກະແສລົມຕາເວັນຕົກສ່ຽງໃຕ້ມີກຳລັງປານກາງພັດປົກຄຸມ.

ກົມອຸຕຸນິຍົມ ແລະ ອຸທົກກະສາດ ອອກບົດລາຍງານ ເລກທີ 0393/ກອຕທ, ນະຄອນຫຼວງວຽງຈັນ, ວັນທີ 30 ມີນາ 2020 ຄາດຄະເນສະພາບອາກາດ ໃນໄລຍະວັນທີ 30 ມີນາ ຫາ 05 ເມສາ 2020 ວ່າ: ໃນໄລຍະວັນທີ 30 ຫາ 31 ມີນາ ຄວາມກົດດັນອາກາດຕໍ່າຂອງອາກາດຮ້ອນທີ່ມີກຳລັງປານກາງ ຫາ ແຮງ ຍັງຈະປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫ່ຍ ຊຶ່ງຈະເຮັດໃຫ້ອາກາດຮ້ອນຫາຮ້ອນເອົ້າ ແລະ ຈະມີໝອກແຫ້ງປົກຫຸ້ມຢູ່ທົ່ວໄປໃນຕອນກາງເວັນ. ຈາກນັ້ນວັນທີ 1 ຫາ 5 ເມສາ 2020 ບໍລິເວນຄວາມກົດດັນສູງຂອງອາກາດເຢັນຈະແຜ່ລົງມາປົກຄຸມປະເທດລາວດ້ວຍກໍາລັງປານກາງ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອດ້ານຕາເວັນອອກລົງ ຫາ ພາກກາງ ແລະ ພາກໃຕ້. ຄາດຄະເນສະພາບອາກາດ ໃນແຕ່ລະພາກດັ່ງລຸ່ມນີ້:

ພ້ອມນັ້ນກົມອຸຕຸນິຍົມ ແລະ ອຸທົກກະສາດ ຍັງມີຄຳເຕືອນ: ໃນໄລຍະວັນທີ 1 ຫາ 4 ເມສາ 2020 ຈະເກີດມີຝົນຕົກຟ້າຮ້ອງຟ້າເຫຼື້ອມ, ໝາກເຫັບຕົກ, ຟ້າຜ່າ ແລະ ມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ຍ້ອນຄວາມກົດດັນສູງຂອງອາກາດເຢັນຈະແຜ່ລົງມາປົກຄຸມ ສົມທົບກັບກະແສລົມຕາເວັນຕົກສ່ຽງໃຕ້ມີກຳລັງປານກາງພັດປົກຄຸມ. ດັ່ງນັ້ນ, ຈຶ່ງແຈ້ງເຕືອນເຖິງປະຊາຊົນບັນດາເຜົ່າ ແລະ ອຳນາດການປົກຄອງທຸກພາກສ່ວນ ຈົ່ງມີສະຕິຕໍ່ສະພາບອາກາດທີ່ຈະເກີດຂື້ນໃນຕໍ່ໜ້າ, ໃຫ້ຫຼີກລ່ຽງຢູ່ບ່ອນເປີດແປນ, ຕົ້ນໄມ້ໃຫຍ່ ແລະ ອາຄານທີ່ປຸກສ້າງບໍ່ທັນສຳເລັດ, ພ້ອມທັງໃຫ້ຕິດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດ ຢ່າງຕໍ່ເນື່ອງ.