ສະພາບອາກາດຍັງຮ້ອນ ຫາ ຮ້ອນເອົ້າຂຶ້ນໃນຕອນບ່າຍທົ່ວທຸກພາກຂອງປະເທດ

590

ທາມກາງບັນຍາກາດ ການລະບາດຂອງເຊື້ອໄວຣັສໂຄວິດ-19 ໃນທົ່ວໂລກ, ສປປ ລາວ ເອງກໍ່ມີການລະບາດຂອງພະຍາດດັ່ງກ່າວແລ້ວ ໂດຍມີຜູ້ຕິດເຊື້ອ 8 ຄົນ ຢູ່ນະຄອນຫຼວງວຽງຈັນ 5 ຄົນ ແລະ ຫຼວງພະບາງ 3 ຄົນ ແລະ ຍັງມີແຮງງານລາວຈຳນວນຫຼາຍທີ່ມາຈາກຕ່າງປະເທດ ໄດ້ຮັບການກັກກັ້ນໂຕ 14​ ວັນ ຕາມສູນຕ່າງທີ່ພາກສ່ວນກ່ຽວຂ້ອງຈັດໃຫ້ ເຊິ່ງຖືວ່າມີຄວາມຫຍຸ້ງຍາກບໍ່ໜ້ອຍ ແຕ່ກໍ່ເປັນມາດຕະການທີ່ທົ່ວໂລກປະຕິບັດກັນ ຂໍໃຫ້ທຸກຄົນຈົ່ງອົດທົນ ແລະ ປະຕິບັດຕາມ ມາດຕະການທາງລັດຢ່າງເຄັ່ງຄັດ.

ໃນຂະນະທີ່ສະພາບອາກາດຊ່ວງນີ້ ອາດຈະຮ້ອນເອົ້າອົບຂຶ້ນຕື່ມອີກໃນຕອນບ່າຍ ໂດຍກົມອຸຕຸນິຍົມ ແລະ ອຸທົກກະສາດແຈ້ງວ່າ: ພະຍາກອນອາກາດປະຈໍາວັນທີ 30 ມີນາ 2020 ບໍລິເວນຄວາມກົດດັນຕໍ່າຂອງອາກາດຮ້ອນຍັງຈະປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສ ລົມຕາເວັນຕົກ – ຕາເວັນຕົກສ່ຽງໃຕ້ຍັງພັດປົກຄຸມເປັນສ່ວນໃຫ່ຍ. ຊຶ່ງຍັງຈະເຮັດໃຫ້ອາກາດຮ້ອນ ຫາ ຮ້ອນເອົ້າຢູ່ຕື່ມອີກໃນຕອນບ່າຍ ພ້ອມມີໝອກແຫ້ງປົກຫຸ້ມຢູ່ທົ່ວໄປ ແລະ ຈະມີຝົນຕົກຟ້າຮ້ອງ ຟ້າເຫຼື້ອມ, ພ້ອມຈະມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງລົງຫາພາກໃຕ້.

  • ພາກເໜືອດ້ານຕາເວັນອອກ

  • ພາກເໝືອດ້ານຕາເວັນຕົກ

  • ພາກກາງ

  • ພາກໃຕ້