ວັນທີ 11-13 ອາກາດຍັງສືບຕໍ່ຮ້ອນຈາກນັ້ນ ວັນທີ 14-17 ອາກາດເຢັນລົງ1-3ອົງສາ

476

ຄຳເຕືອນ: ໃນໄລຍະວັນທີ 14-17 ມີນາ 2019 ຄວາມກົດດັນສູງຂອງອາກາດເຢັນຈາກປະເທດຈີນ ຈະມີກຳລັງແຮງເພີ່ມຂື້ນ ແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ ຈະມີກຳລັງແຮງເພີ່ມຂື້ນພັດປົກຄຸມດ້ວຍກຳລັງປານກາງ ເຊິ່ງຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມ ໝາກເຫັບຕົກ ພ້ອມມີລົມພັກແຮງຢູ່ບາງທ້ອງຖິ່ນໃນແຕ່ລະພາກ, ດັ່ງນັ້ນ ຈື່ງແຈ້ງເຕືອນເຖິງປະຊາຊົນ ບັນດາເຜົ່າ ຈົ່ງມີສະຕິຕໍ່ສະພາບອາກາດທີ່ຈະເກີດຂື້ນໃນໄລຍະ 1​ອາທິດຕໍ່ໜ້າ ແລະ ໃຫ້ຕີດຕາມຂ່າວພະຍາກອນອາກາດຈາກກົມອຸຕຸນິຍົມ ແລະ ອຸທົກກະສາດເປັນປະຈຳ.

ກົມອຸຕຸນິຍົມ ແລະ ອຸທົກກະສາດ ໄດ້ອອກບົດລາຍງານຄາດຄະເນສະພາບອາກາດ ສະບັບເລກທີ 0335/ກອຕທ ລົງວັນທີ 11​ ມີນາ 2019. ໃນໄລຍະວັນທີ 11-13 ມີນາ 2019 ຄວາມກົດດັນຕໍ່າຂອງອາກາດຮ້ອນຍັງຈະປົກຄຸມຢູ່ທຸກພາກຂອງປະເທດລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່, ເຊິ່ງຈະເຮັດໃຫ້ອາກາດຮ້ອນຂື້ນໃນຕອນບ່າຍ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກກາງ ແລະ ພາກໃຕ້. ຈາກນັ້ນໄລຍະວັນທີ 14-17 ມີນາ 2019 ບໍລິເວນຄວາມກົດດັນສູງຂອງປະເທດຈີນຈະແຜ່ລົງມາປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງປານກາງ ສົມທົບກັບກະແສລົມຕາເວັນອອກ-ຕາເວັນອອກສ່ຽງໃຕ້ພັດປົກຄຸມ ເຊິ່ງຈະຮ້ອນໃຫ້ອາກາດເຢັນ ແລະ ອາກາດຈະໜາວເຢັນໃນຕອນກາງຄືນ ຫາ ຕອນເຊົ້າ ມີໝອກບາງປົກຫຸ້ມຢູ່ແຂວງພາກເໜືຶອ,ແຂວງໄຊສົມບູນ, ເຂດພູພຽງບໍລະເວນ ແລະ ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ, ໃນຕອນບ່າຍອາກາດຍັງຈະສືບຕໍ່ຮ້ອນຢູ່ແຂວງພາກກາງ ແລະ ພາກໃຕ້.

ພາກເໜຶອດ້ານຕາເວັນອອກ: ໃນໄລຍະວັນທີ 11-13 ມີນາ 2019 ອາກາດເຢັນຕອນກາງຄືນ ຫາ ຕອນເຊົ້າ ແລະ ອຸນຫະພຸມອາກາດຈະຮ້ອນຂື້ນໃນຕອນບ່າຍພ້ອມມີລົມພັດແຮງເປັນບາງໂອກາດ. ຈາກນັ້ນ ວັນທີ 14-17 ມີນາ 2019 ອາກາດຈະເຢັນລົງ 1 ຫາ 3​ ອົງສາ ແລະ ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງເປັນບາງໂອກາດຢູ່ແຂວງຂຽງຂວາງ. ອຸນຫະພູມຕໍ່າສຸດ 08-10 ອົງສາ ແລະ ສູງສຸດ 32-34 ອົງສາ.

ພາກເໜຶອດ້ານຕາເວັນຕົກ: ໃນໄລຍະວັນທີ 11-13 ມີນາ 2019 ອາກາດເຢັນໃນຕອນເຊົ້າ ແລະ ຈະຮ້ອນຂື້ນໃນຕອນບ່າຍພ້ອມມີລົມພັດແຮງເປັນບາງໂອກາດ, ຈາກນັ້ນວັນທີ 14-17 ມີນາ 2019 ອາກາດຈະເຢັນລົງ 1-2 ອົງສາ ແລະ ຈະມີຝົນຕົກ ຟ້າຮ້ອງ ຟ້າເຫຼື້ອມໃນລະດັບຄ່ອຍພ້ອມຈະມີລົມພັດແຮງຢູ່ບາງທ້ອງຖິ່ນ ແຂວງຫຼວງພະບາງ ແລະ ໄຊຍະບູລີ. ອຸນຫະພູມໃນລະຫວ່າງ 10-12 ອົງສາ ແລະ ສູງສຸດ 32-34 ອົງສາ.

ພາກກາງ: ໃນໄລຍະວັນທີ 11-13​ ມີນາ 2019 ອາກາດຈະຮ້ອນໃນຕອນບ່າຍ ພ້ອມມີລົມພັດແຮງຢູ່ບາງທ້ອງຖິ່ນ. ຈາກນັ້ນໃນວັນທີ 14-17 ມີນາ 2019 ອາກາດຈະເຢັນລົງໃນຕອນກາງຄືນ ຫາ ຕອນເຊົ້າ ພ້ອມຈະມີຝົນຕົກຟ້າຮ້ອງ ຟ້າເຫຼື້ຶອມໃນລະດັບຄ່ອຍຢູ່ ບາງທ້ອງຖິ່ນແຂວງຄຳມ່ວນ ແລະ ສະຫວັນນະເຂດ ພ້ອມມີລົມພັດແຮງເປັນບາງໂອກາດ. ອຸນຫະພູມຕໍ່າສຸດ 15-17 ອົງສາ ແລະ ສູງສຸດ 34-36 ອົງສາ.

ພາກໃຕ້: ໃນໄລຍະວັນທີ 11-13 ມີນາ 2019 ອາກາດຈະຮ້ອນຂື້ນພ້ອມມີລົມພັດແຮງຢູ່ບາງທ້ອງຖິ່ນ. ຈາກນັ້ນໃນວັນທີ 14-17 ມີນາ 2019 ອາກາດຈະເຢັນລົງໃນຕອນກາງຄືນ ຫາ ຕອນເຊົ້າ ພ້ອມຈະມີຝົນຕົກຟ້າຮ້ອງຟ້າເຫຼື້ອມໃນລະດັບຄ່ອຍຢູ່ບາງທ້ອງຖິ່ນ ແຂວງສາລະວັນ ແລະ ຈຳປາສັກ. ອຸນຫະພູມຕໍ່າສຸດ 18-20 ອົງສາ ແລະ ສູງສຸດ 34-36 ອົງສາ.

ຂໍ້ມູນຈາກ: ກົມອຸຕຸນິຍົມ ແລະ ອຸທົກກະສາດ