ອາກາດຮ້ອນ ຫຼາຍເຂດອຸນຫະພູມສູງເຖິງ 35-36 ອົງສາ

803

ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ພະຍາກອນອາກາດປະຈໍາວັນທີ 06 ມີນາ 2019 ບໍລິເວນຄວາມກົດດັນຕໍ່າຂອງອາກາດຮ້ອນຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບກະແສລົມຕາເວັນຕົກພັດປົກຄຸມເປັນສ່ວນໃຫ່ຍ. ເຊິ່ງລັກສະນະເຊັ່ນນີ້, ຈະເຮັດໃຫ້ອາກາດເຢັນໃນຕອນເຊົ້າ, ສ່ວນໃນຕອນບ່າຍອາກາດຍັງສືບຮ້ອນຢູ່ຕື່ມອີກໃນແຕ່ລະພາກ ແລະ ຈະມີຝົນຕົກຟ້າຮ້ອງໃນລະດັບຄ່ອຍຢູ່ບາງທ້ອງຖິ່ນແຂວງພາກກາງ ພ້ອມມີລົມພັດແຮງເປັນບາງໂອກາດ

ພາກເໜຶອດ້ານຕາເວັນອອກ: ອາກາດເຢັນຕອນເຊົ້າ ພ້ອມມີໝອກປົກຫຸ້ມຢູ່ທົ່ວໄປ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງຜົ້ງສາລີ. ອຸນຫະພູມໃນລະຫວ່າງ 13-31 ອົງສາ.

ພາກເໜຶອດ້ານຕາເວັນຕົກ: ອາກາດເຢັນໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນແຂວງ ຫຼວງນໍ້າທາ. ອຸນຫະພູມໃນລະຫວ່າງ 13-36 ອົງສາ.

ພາກກາງ: ອາກາດຮ້ອນ ແລະ ຍັງຈະມີຝົນຕົກຟ້າຮ້ອງໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນແຂວງ ຄຳມ່ວນ ແລະ ສະຫວັນນະເຂດ. ອຸນຫະພູມໃນລະຫວ່າງ 19-35 ອົງສາ.

ພາກໃຕ້: ທ້ອງຟ້າແຈ້ງ, ອາກາດຮ້ອນ. ອຸນຫະພູມໃນລະຫວ່າງ 20-36 ອົງສາ.

ຂໍ້ມູນຈາກ: ກົມອຸຕຸນິຍົມ ແລະ ອຸທົກກະສາດ