ຈະມີຝົນຕົກຢູ່ບາງທ້ອງຖິ່ນ ແລະ ບາງເຂດອາກາດຈະຮ້ອນເຖິງ 37 ອົງສາ

333

ສະພາບອາກາດບ້ານເຮົາທຸກມື້ນີ້ ເອົາແນ່ເອົານອນບໍ່ໄດ້ ບາງຄັ້ງຕອນເຊົ້າມີຝົນຕົກ ແຕ່ຕອນສວຍ ພັດອາກາດຮ້ອນ, ສະພາບອາກາດມີການປ່ຽນແປງໄປທຸກເວລາ ສະນັ້ນຈົ່ງຮັກສາສຸຂະພາບໃຫ້ແຂງແຮງຢູ່ຕະຫຼອດ ເພື່ອກຽມຮັບມື ກັບສະພາບອາກາດທີ່ປ່ຽນແປງໄປເລື້ອຍ ແລະ ໃຫ້ຕິດຕາມຂ່າວພະຍາກອນອາກາດຢູ່ຕະຫຼອດ ເພື່ອຈະໄດ້ຮັບຮູ້ທັນເຫດການຂອງສະພາບອາກາດທີ່ຈະເກີດຂື້ນຢູ່ສະເໝີ.

ກົມອຸຕຸນິຍົມ ແລະ ອຸທົກກະສາດໃຫ້ຮູ້ວ່າ: ພະຍາກອນອາກາດປະຈໍາວັນທີ 01 ມີນາ 2019 ບໍລິເວນຄວາມກົດດັນອາກາດສູງຂອງອາກາດເຢັນໄດ້ປົກຄຸມຢູ່ທຸກພາກຂອງປະເທດລາວດ້ວຍກຳລັງອ່ອນ, ສົມທົບກັບສອງກະແສລົມຕາເວັນຕົກພັດປົກຄຸມພາກເໜືອ ແລະ ລົມຕາເວັນອອກສ່ຽງໃຕ້ພັດປົກຄຸມພາກກາງ ແລະ ພາກໃຕ້, ຊຶ່ງຈະເຮັດໃຫ້ອາກາດເຢັນໃນຕອນເຊົ້າ ພ້ອມມີຝົນຕົກຟ້າຮ້ອງໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖີ່ນພາກເໜືອ ແລະ ພາກກາງ.

ພາກເໜຶອດ້ານຕາເວັນອອກ: ອາກາດເຢັນ ແລະ ຈະມີຝົນຕົກໃນລະດັບຄ່ອຍ ຢູ່ບາງທ້ອງຖິ່ນແຂງຜົ້ງສາລີ, ຫົວພັນ ແລະ ຊຽງຂວາງ ພ້ອມມີລົມພັດແຮງເປັນບາງໂອກາດ. ອຸນຫະພູມໃນລະຫວ່າງ 13-29 ອົງສາ.

ພາກເໜຶອດ້ານາເວັນຕົກ: ອາກາດເຢັນໃນຕອນເຊົ້າ ແລະ ຈະມີຝົນຕົກໃນລະດັບຄ່ອຍພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ ແຂວງຫຼວງພະບາງ ແລະ ໄຊຍະບູລີຕື່ມອີກ. ອຸນຫະພູມໃນລະຫວ່າງ 13-35 ອົງສາ.

ພາກກາງ: ຈະມີຝົນຕົກໃນລະດັບຄ່ອຍ ພ້ອມມີລົມພັດແຮງຢູ່ບາງທ້ອງຖິ່ນ ແຂວງວຽງຈັນ, ບໍລິຄຳໄຊ ແລະ ຄຳມ່ວນ. ອຸນຫະພູມໃນລະຫວ່າງ 18-34 ອົງສາ.

ພາກໃຕ້: ອາກາດຈະຮ້ອນຂື້ນ ແລະ ຈະມີຝົນຕົກໃນລະດັບຄ່ອຍຢູ່ບາງທ້ອງຖິ່ນ ຈະມີລົມພັດແຮງເປັນບາງໂອກາດ. ອຸນຫະພູມໃນລະຫວ່າງ 20-37 ອົງສາ.

ສ່ວນ ນະຄອນຫຼວງວຽງຈັນ: ຈະມີຝົນຕົກຟ້າຮ້ອງໃນລະດັບຄ່ອຍ ແລະ ຈະມີລົມພັດແຮງເປັນບາງໂອກາດຢູ່ບາງບໍລິເວນ. ອຸນຫະພູມໃນລະຫວ່າງ 23-34 ອົງສາ.

ຂໍ້ມູນຈາກ: ກົມອຸຕຸນິຍົມ ແລະ ອຸທົກກະສາດ