ອາກາດຮ້ອນ ແລະ ຄ່າຝຸນລະອອງເຊົ້ານີ້ແມ່ນ 91.2 ໄມໂຄຼກາມ/ຕໍ່ໜຶ່ງແມັດກ້ອນ

630

ຄ່າຝຸ່ນລະອອງທີ່ມີຂະໜາດ 2.5 ໄມຄຼອນ ຫຼື PM 2.5 ຄ່າສະເລ່ຍຂອງເຊົ້າມື້ນີ້ແມ່ນ 91.2 ໄມໂຄຼກາມ/ຕໍ່ໜຶ່ງແມັດກ້ອນ ຊຶ່ງເຫັນວ່າການຈັດລະດັບຄຸນນະພາບຂອງອາກາດທີ່ມີຜົນຕໍ່ສຸຂະພາບແມ່ນຍັງຢູ່ໃນລະດັບປານກາງ.

ສະພາບອາກາດໂດຍທົ່ວໄປລວມເວລາ 7:00 ໂມງຂອງວັນທີ 18/03/2019.      ບໍລິເວນຄວາມກົດດັນສູງຂອງອາກາດເຢັນຍັງສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກຳລັງອ່ອນ ແລະ ສົມທົບກັບສອງກະແສລົມຕາເວັນຕົກພັດປົກຄຸມພາກເໜືອ ແລະ ກະແສລົມຕາເວັນອອກສ່ຽງໃຕ້ພັດປົກຄຸມກາງກາງ ຫາ ພາກໃຕ້, ເຊິ່ງລັກສະນະເຊັ່ນນີ້ຈະເຮັດໃຫ້ມີຝົນຕົກ ຟ້າຮ້ອງ ຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນແຂວງພາກເໜືອ, ສ່ວນພາກກາງ ແລະ ພາກໃຕ້ອາກາດຍັງຮ້ອນ ຫາ ຮ້ອນເອົ້າ.

ພາກເໜຶອດ້ານຕາເວັນອອກ: ອາກາດເຢັນ ພ້ອມມີໝອກບາງປົກຫຸ້ມຢູ່ທົ່ວໄປ ແລະ ຈະມີຝົນຕົກຟ້າຮ້ອງໃນລະດັບຄ່ອຍຢູ່ບາງທ້ອງຖິ່ນແຂວງຜົ້ງສາລີ ແລະ ຫົວພັນ ພ້ອມມີລົມພັດແຮງເປັນບາງໂອກາດ. ອຸນຫະພູມໃນລະຫວ່າງ 15-31 ອົງສາ.

ພາກເໜຶອດ້ານຕາເວັນຕົກ: ອາກາດເຢັນໃນຕອນເຊົ້າ ພ້ອມມີໝອກບາງປົກຫຸ້ມຢູ່ທົ່ວໄປ ສ່ວນຕອນບ່າຍອາກາດຮ້ອນ ແລະ ຈະມີຝົນຕົກຟ້າຮ້ອງໃນລະດັບຄ່ອຍຢູ່ບາງທ້ອງຖິ່ນ ແຂວງຫຼວງນໍ້າທາ, ອຸດົມໄຊ, ຫຼວງພະບາງ ແລະ ໄຊຍະບູລີ ພ້ອມມີລົມພັດແຮງຢູ່ບາງທ້ອງຖິ່ນໃນຕອນບ່າຍ ຫາ ກາງຄືນ.ອຸນຫະພູມໃນລະຫວ່າງ 15-36 ອົງສາ.

ພາກກາງ: ອາກາດຮ້ອນ ພ້ອມມີໝອກແຫ້ງປົກຫຸ້ມຢູ່ທົ່ວໄປ. ອຸນຫະພູມໃນລະຫວ່າງ 19-36 ອົງສາ.

ພາກໃຕ້: ອາກາດຮ້ອນ ຫາ ຮ້ອນເອົ້າ ພ້ອມມີໝອກແຫ້ງປົກຫຸ້ມຢູ່ທົ່ວໄປ. ອຸນຫະພູມໃນລະຫວ່າງ 17-37 ອົງສາ

ຂໍ້ມູນຈາກ: ກົມອຸຕຸນິຍົມ ແລະ ອຸທົກກະສາດ