4 ກັນຍາ  ຕິດເຊື້ອໃໝ່ທັງໝົດ156ຄົນ ມີຈາກຊຸມຊົນ 64 ຄົນ ແລະ ເສຍຊີວິດເພີ່ມ 1 ຄົນ​

229

ທ່ານ ດຣ. ຣັດຕະນະໄຊ ເພັດສຸວັນ ຫົວຫນ້າກົມຄວບຄຸມພະຍາດຕິດຕໍ່ ກະຊວງ ສາທາລະນະສຸກ ຖະແຫຼງຂ່າວປະຈຳວັນທີ 4 ກັນຍາ 2021 ວ່າ:ວັນທີ 3ກັນຍາ 2021ໄດ້ກວດວິເຄາະທັງຫມົດ 3.180 ຄົນ ກວດພົບຜູ້ຕິດເຊື້ອໃຫມ່ ທັງຫມົດ 156 ຄົນ.

ໃນນີ້ຕິດເຊື້ອໃນຊຸມຊົນ 64 ຄົນ ເປັນຜູ້ສໍາຜັດໃກ້ຊິດນໍາຜູ້ຕິດເຊື້ອທີ່ຜ່ານມາ ແລະ ກໍລະນີນໍາເຂົ້າ ມີ 92 ຄົນ ຈາກ ສາລະວັນ 46 ຄົນ, ສະຫວັນນະເຂດ 17 ຄົນ, ຈໍາປາ ສັກ 12 ຄົນ, ຫຼວງພະບາງ 7 ຄົນ, ນະຄອນຫຼວງວຽງຈັນ 7 ຄົນ, ຄໍາມ່ວນ 2 ຄົນ, ແລະ ໄຊຍະບູລີ 1 ຄົນ ເຊິ່ງກວດພົບຈາກແຮງງານລາວ ຫຼື ຜູ້ທີ່ເດີນທາງມາຈາກປະເທດເພື່ອນ ບ້ານ ເຂົ້າຕາມຈຸດຜ່ານແດນສາກົນ.

ລາຍລະອຽດ ຜູ້ຕິດເຊື້ອໃນຊຸມຊົນ ຢູ່ນະຄອນຫຼວງວຽງຈັນ ແລະ ບັນດາແຂວງ ແມ່ນເປັນຜູ້ສໍາຜັດໃກ້ຊີດກັບຜູ້ຕິດເຊື້ອທີ່ຜ່ານມາລາຍລະອຽດດັ່ງນີ້: ຄໍາມ່ວນ 25 ຄົນ, ຈໍາປາສັກ 20 ຄົນ, ສະຫວັນນະເຂດ 6 ຄົນ, ນະຄອນຫລວງ ວຽງຈັນ 6ຄົນ, ຫຼວງພະບາງ 5 ຄົນ, ບໍ່ແກ້ວ 2 ຄົນ.

ມາຮອດມື້ນີ້ ມີກໍລະນີຕິດເຊື້ອສະສົມ15.761 ຄົນ, ເສຍຊີວິດສະສົມ 16 ຄົນ(ໃໝາ1ຄົນ) ແລະ  ກຳລັງປິ່ນປົວທັງໝົດ 5.568 ຄົນ.