ໂຮງຮຽນສາມັນ ແລະ ວິຊາຊີບ ປີສຸດທ້າຍ ຢູ່ສະຫວັນນະເຂດເຂົ້າປົກກະຕິ ພ້ອມປະຕິບັດລະວັງໂຄວິດ-19

535
ຮູບ​ປະ​ກອບ

ໂຮງຮຽນສາມັນ ແລະ ວິຊາຊີບ ປີສຸດທ້າຍ ເປີດການຮຽນ-ການສອນເປັນປົກະຕິ ຄຽງຄູ່ກັບການປະຕິບັດມາດຕະການປ້ອງກັນ ໂຄວິດ 19. ທ່ານ ນາງ ຫຼິງທອງ ແສງຕາວັນ ຫົວໜ້າພະແນກສຶກສາທິການ ແລະ ກິລາແຂວງສະຫວັນນະເຂດໄດ້ ໃຫ້ສຳພາດຕໍ່ຜູ້ສື່ຂ່າວຂອງພວກເຮົາວ່າ: ການຮຽນ-ການສອນ ຂອງໂຮງຮຽນສາຍສາມັນ ແລະໂຮງຮຽນວິຊາຊີບ ປີສຸດທ້າຍຄື ຊັ້ນປະຖົມປີທີ 5,ມັດທະຍົມຕົ້ນຊັ້ນ ມ4 ແລະ ມັດທະຍົມປາຍ ຊັ້ນມໍ7 ກໍຄືໂຮງຮຽນວິທະຍາໄລ,ມະຫາວິທະຍາໄລ ປີສຸດທ້າຍ ແມ່ນໄດ້ເລີ່ມເປີດຮຽນໃນວັນທີ 18 ພຶດສະພາ 2020 ຜ່ານ​ມາ​

ພາຍຫຼັງທີ່ໄດ້ໂຈະການຮຽນ-ການສອນເປັນເວລາ ໜຶ່ງເດືອນກວ່າ ຍ້ອນສະພາບການລະບາດຂອງພະຍາດໂຄວິດ-19, ແຕ່ໄປຄຽງຄູ່ກັບການຮຽນ-ການສອນ ກໍ່ບໍ່ໄດ້ລົດລະໃນການປ້ອງກັນ ແລະ ຕ້ານການຕິດເຊື້ອພະຍາດດັ່ງກ່າວ ໂດຍມີການແນະນຳໃຫ້ແຕ່ລະໂຮງຮຽນ ມີບ່ອນລ້າງມື,ການນັ່ງຕ້ອງມີໄລຍະຫ່າງ 1 ແມັດຂຶ້ນໄປ ແລະ ວິທີການອື່ນໆ ສ່ວນບັນຫາທີ່ຫຍຸ້ງຍາກ ແຕ່ລະໂຮງຮຽນແມ່ນຍັງຂາດເຄື່ອງແທກອຸນຫະພູມຮ່າງກາຍ, ບາງໂຮງຮຽນເຂດຫ່າງໄກແມ່ນຂາດຜ້າອັດປາກ-ດັງ.
ທົ່ວແຂວງຊັ້ນປະຖົມປີທີ 5 ມີນັກຮຽນທັງໝົດ 17.106 ຄົນ, ຍິງ 8.264 ຄົນມີຫ້ອງຮຽນ699 ຫ້ອງ, ຊັ້ນມໍ4 ມີນັກຮຽນທັງໝົດ 9.818 ຄົນ,ຍິງ 4.976 ຄົນສຳລັບຫ້ອງຮຽນມີ356 ຫ້ອງ ແລະ ຊັ້ນມໍ7 ມີນັກຮຽນທັງໝົດ 6.656ຄົນ, ຍິງ 3.287 ຄົນມີຫ້ອງຮຽນທັງໝົດ 211ຫ້ອງ, ສຳລັບຊັ້ນຮຽນອື່ນໆຄາດວ່າຈະເປີດການຮຽນໃນວັນທີ 2 ມິຖຸນາ 2020ນີ້

ຮູບ​ປະ​ກອບ

ໃນການສອບເສັງຈົບຊັ້ນກະຊວງສຶກສາ ຊັ້ນປະຖົມໄດ້ກຳນົດເອົາວັນທີ 29 ມິຖຸນາ ຫາ 23 ກໍລະກົດທວນຄືນບົດຮຽນວັນທີ 3-10 ກໍລະກົດແມ່ນໄດ້ສອບເສັງພາກຮຽນ 2, ວັນ13-17ກໍລະກົດຈະສອບເສັງຈົບຊັ້ນປະຖົມເປັນທາງການ, ວັນທີ 3 ເດືອນສິງຫາ ສະຫລຸບປະຈຳປີ ແລະ ວັນທີ 10 ສິງຫາເລີ່ມພັກຮຽນ, ສຳລັບມໍ4ແລະມໍ7ວັນທີ 6-10 ກໍລະກົດຄູນຳພາທວນຄືນບົດຮຽນຮອດ13-17ກໍລະກົດ ສອບເສັງວິຊາທົ່ວໄປວັນຮອດວັນທີ 22-24ກໍລະກົດແມ່ນເສັງຈົບຊັ້ນມໍ 4 ທົ່ວປະເທດ, ວັນທີ 29-31 ກໍລະກົດແມ່ນສອບເສັງຈົບຊັ້ນມໍປາຍມໍ7 ທ້າຍເດືອນກໍລະກົດແມ່ນສຳເລັດຫມົດແລະອາທິດທີ 3 ເດືອນສິງຫາແມ່ນຈະປະກາດຜົນການສອບເສັງມໍ 4 ແລະ ປະກາດລາຍຊື່ການສອບເສັງມໍ 7 ລົງເວັບກົມສາມັນກະຊວງສຶກສາ ແລະ ສຳລັບແຜນຕໍ່ຫນ້າການຮຽນການສອນແມ່ນຈະສືບຕໍ່ຈັດຕັ້ງປະຕິບັດໂດຍສະເພາະປະຕິບັດຕາມແຈ້ງການຂອງກະຊວງສຶກສາແລະກິລາ ຫຼື ຄຳສັ່ງແຈ້ງການຕ່າງໆຂອງສະເພາະກິດກະຊວງວ່າຈະປະຕິບັດແບບໃດຕື່ມເພາະພະຍາດໂຄດວິດ-19 ຍັງມີການລະບາດຫລາຍປະເທດໃນທົົ່ວໂລກ
ພ້ອມນີ້, ຍັງໄດ້ຮຽກຮ້ອງເຖິງຜູ້ປົກຄອງນັກຮຽນ ຕ້ອງໄດ້ຊ່ວຍລູກຫຼານ ລະດົມແນວຄວາມຄິດໃຫ້ລູກຫຼານໄປເຂົ້າໂຮງຮຽນ ແນະນຳໃຫ້ເຂົາເຈົ້າໄດ້ເຂົ້າຮຽນຢ່າງຕໍ່ເນື່ອງເປັນປົກກະຕິ.