ແມນເຊັສເຕີ ຊິຕີ້ ຄືນເງິນຄ່າປີ້ໃຫ້ກັບແຟນບານ ຫຼັງລີກຈະແຂ່ງແບບປິດສະໜາມ

531
MANCHESTER, ENGLAND - APRIL 22: General view inside the stadium prior to the Premier League match between Manchester City and Swansea City at Etihad Stadium on April 22, 2018 in Manchester, England. (Photo by Clive Brunskill/Getty Images)

ແມນເຊັສເຕີ ຊິຕີ້ ທີມຍັກໃຫຍ່ໃນພຣີເມຍລີກ ອັງກິດ ສະແດງຄວາມຮັບຜິດຊອບດ້ວຍການຄືນເງິນຄ່າປີ້ນັດໃນບ້ານທີ່ເຫຼືອທັງໝົດໃຫ້ກັບ ແຟນບານ ເນື່ອງຈາກລີກຈະກັບມາແຂ່ງຂັນແບບປິດສະໜາມບໍ່ອະນຸຍາດໃຫ້ແຟນບານເຂົ້າສະໜາມໄດ້ ເພື່ອປ້ອງກັນການແຜ່ລະບາດຂອງ ໂຄວິດ-19.

ແມນເຊັສເຕີ ຊິຕີ້ ເຫຼືອການແຂ່ງຂັນໃນພຣີເມຍລີກ ອັງກິດ ແລະ ຢູຟາ ແຊັມປ້ຽນລີກ ທີ່ຈະເຕະໃນສະໜາມ ເອຕິຮັດ ສະເຕດ້ຽມ ເຊິ່ງເປັນສະໜາມໃນບ້ານອີກ 6 ນັດ ແລະ ການຕ້ອງປິດສະໜາມແຂ່ງຂັນເຮັດໃຫ້ພວກເຂົາສະແດງຄວາມຮັບຜິດຂອບຕໍ່ແຟນບານດ້ວຍການຄືນເງິນຄ່າປີ້ທັງໝົດ ເຊິ່ງລັດຖະບານອັງກິດອະນຸຍາດໃຫ້ກັບມາແຂ່ງຂັນໃນເດືອນມິຖຸນາ 2020.

ສະໂມສອນດັ່ງກ່າວຖະແຫຼງການວ່າ: “ ຕາມປະກາດຂອງລັດຖະບານກ່ອນໜ້ານີ້, ຄົນທີ່ຖືປີ້ການແຂ່ງຂັນແບບ ຊີຊັນ ກາດ ຈະໄດ້ຮັບເງິນຄືນ ສໍາລັບນັດແຂ່ງຂັນໃນບ້ານທີ່ເຫຼືອຂອງ ພຣີເມຍລີກ ອັງກິດ ແລະ ທຸກທ່່ານຈະໄດ້ລາຍລະອຽດເພີ່ມຕື່ມທາງອີເມວ ”.