ທິດນີ້ ອາ​ກາດ​ຮ້ອນ​ສືບ​ຕໍ່​ປົກ​ຄຸມ​ຢູ່​ທົ່ວ​ທຸກ​ພາກ ແລະ ຈະ​ເຮັດ​ໃຫ້​ມີ​ຝົນ​ຕົກ​ລົມ​ພັດ​ແຮງ​ຢູ່​ບາງ​ທ້ອງ​ຖິ່ນ

490

ອາທິດນີ້ ອາກາດຮ້ອນຈະສືບຕໍ່ປົກຄຸມຢູ່ທົ່ວທຸກພາກ ແລະ ຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້. ຂະ​ນະ​ທີ່​ໃນ​ຕອນ​ຄ່ຳ​ວັນ​ທີ 23 ມີ​ນາ 2020 ມາ​ນະ​ຄອນ​ຫຼວງວຽງ​ຈັນ ໄດ້​ເກີດ​ພາ​ຍຸ​ລົມ​ຝົ​ນ​ຕົກ​ແຮງ ເຮັດ​ໃຫ້​ເກ​ີດ​ນ້ຳ​ຖ້ວມ​ຂັງ ໄຫຼບໍ່​ທັນ​ຕາມ​ຖະ​ໜົນ​ສາຍ​ຫຼັກ​ຕ່າງໆ

ກົມອຸຕຸນິຍົມ ແລະ ອຸທົກກສາດ ອອກບົດລາຍງານສະພາບອາກາດ ເລກທີ 0364/ກອຕທ, ນະຄອນຫຼວງວຽງຈັນ, ວັນທີ 23 ມີນາ 2020 ຄາດຄະເນສະພາບອາກາດ ແຕ່ວັນທີ 23 ຫາ 29 ມີນາ ວ່າ: ໃນໄລຍະວັນທີ 23 ຫາ 25 ມີນາ ຄວາມກົດດັນອາກາດຕໍ່າຂອງອາກາດຮ້ອນທີ່ມີກຳລັງປານກາງຈະປົກຄຸມຢູ່ທົ່ວທຸກພາກຂອງປະເທດລາວ ແລະ ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມ ຊຶ່ງຈະເຮັດໃຫ້ອາກາດຮ້ອນ ແລະ ຈະມີໝອກແຫ້ງປົກຫຸ້ມໃນຕອນກາງເວັນຢູ່ທົ່ວໄປ. ຈະມີຝົນຕົກຟ້າຮ້ອງຟ້າເຫຼື້ອມ ພ້ອມມີລົມພັດແຮງຢູ່ບາງທ້ອງຖິ່ນໃນແຕ່ລະພາກ. ຈາກນັ້ນວັນທີ 23 ຫາ 29 ມີນາ ຄວາມກົດດັນຕໍ່າຂອງອາກາດຮ້ອນຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວ, ສົມທົບກັບກະແສລົມຕາເວັນຕົກ-ຕາເວັນຕົກສ່ຽງໃຕ້ພັດປົກຄຸມເປັນສ່ວນໃຫຍ່ ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫຼື້ອມ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນແຂວງພາກກາງ ແລະ ພາກໃຕ້. ຄາດຄະເນສະພາບອາກາດໃນແຕ່ລະພາກດັ່ງນີ້: