ບັງກລາເທດ ພ້ອມສົ່ງຊາວໂຣຮິນຈາ 3.500 ຄົນ ກັບຄືນມຽນມາ

347
FILE - In this Nov. 15, 2018, file photo, Rohingya refugees shout slogans against repatriation at Unchiprang camp near Cox's Bazar, in Bangladesh. Myanmar and Bangladesh are making a second attempt to start repatriating Rohingya Muslims after more than 700,000 of them fled a security crackdown in Myanmar almost two years ago, the U.N. refugee agency said Friday, Aug. 16, 2019. (AP Photo/Dar Yasin, File)

ລັດຖະບານປະເທດບັງກລາເທດ ໄດ້ຫາລືກັບອົງການຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດເພື່ອປະເມີນຄວາມພ້ອມຂັ້ນສຸດທ້າຍຂອງຜູ້ລີ້ໄພຊາວໂຣຮິນຈາ 3.500 ຄົນ ໃນການເດີນທາງກັບຄືນປະເທດມຽນມາ.

ສຳນັກຂ່າວຕ່າງປະເທດລາຍງານຈາກນະຄອນທາກາ ປະເທດບັງກລາເທດ ເມື່ອວັນອັງຄານ ທີ 20 ສິງຫາ ວ່າ ທ່ານອາບູລ ກາລໍາ ຂ້າຫຼວງດ້ານການຊ່ວຍເຫຼືອ ແລະ ຍົກຍ້າຍຖິ່ນຖານຂອງບັງກລາເທດ ກ່າວເມື່ອວັນຈັນ ວ່າ ລັດຖະບານບັງກລາເທດ ກຳລັງດໍາເນີນການຮ່ວມກັບສໍານັກງານຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດ (UNHCR) ເພື່ອປະເມີນຄວາມພ້ອມໃນທຸກດ້ານຂອງຊາວໂຣຮິນຈາ ປະມານ 3.500 ຄົນ ຈາກຄ້າຍຜູ້ລີ້ໄພ ທີ່ເມືອງຄັອກຊ໌ ບາຊາຣ໌ ທາງພາກຕາເວັນອອກສຽງໃຕ້ຂອງປະເທດບັງກະລາເທດ ວ່າ ພ້ອມຮັບເອົາ “ຂໍ້ສະເໜີ” ຂອງລັດຖະບານມຽນມາ ໃນການເດີນທາງກັບໄປບ້ານເກີດ ໃນລັດຍະໄຂ່ ຫຼື ບໍ່.

ທັງນີ້ ຖ້າການສົນທະນາກັບຊາວໂຣຮິນຈາ ແລະ ການພົບຫາລື ລະຫວ່າງ ລັດຖະບານບັງກລາເທດ ກັບ ລັດຖະບານມຽນມາ  ຮ່ວມດ້ວຍ UNHCR “ປະສົບຜົນສຳເລັດ” ການເດີນທາງກັບຂອງຊາວໂຣຮິນຈາ ກຸ່ມນີ້ ຈະຖືກແບ່ງອອກເປັນກຸ່ມລະປະມານ 300 ຄົນຕໍ່ມື້. ອີກປະການໜຶ່ງ, ຄວາມເຄື່ອນໄຫວດັ່ງກ່າວເກີດຂຶ້ນ ຫຼັງຈາກທ່ານມະຍິນຕ໌ ຕເລຂາກະຊວງການຕ່າງປະເທດມຽນມາ ເດີນທາງໄປຢ້ຽມຢາມຄ້າຍຜູ້ລີ້ໄພຊາວໂຣຮິນຈາທີ່ເມືອງຄັອກຊ໌ ບາຊາຣ໌ ເມື່ອທ້າຍເດືອນ ຜ່ານມາ ປະຈຸບັນ,ຄ້າຍຜູ້ລີ້ໄພແຫ່ງນີ້ ໜາແໜ້ນໄປດ້ວຍຊາວໂຣຮິນຈາຫຼາຍກ່ວາ 740.000ຄົນ ທີ່ລີ້ໄພຈາກຄວາມບໍ່ສະຫງົບໃນລັດຍະໄຂ່ ຕັ້ງແຕ່ເດືອນສິງຫາ2017.