ມອບອຸປະກອນການແພດໃຫ້ໂຮງໝໍແຂວງຈຳປາສັກ ມູນຄ່າກວ່າ 300 ລ້ານກີບ

332

ເພື່ອເປັນການປະກອບຊ່ວຍເຫຼືອບັນດາໂຮງໝໍ ທີ່ຂາດອຸປະກອນການແພດ ໃນການປິ່ນປົວຄົນເຈັບໃນວັນທີ 5 ສິງຫາ 2019 ຜ່ານມາ, ທ່ານ ບົວລິນ ວົງພະຈັນ ຮອງເຈົ້າແຂວງໆຈໍາປາສັກ ປະທານຄະນະກໍາມະການສະກັດກັ້ນ ແລະ ຄວບຄຸມພະຍາດຕິດຕໍ່ຂັ້ນແຂວງ, ໄດ້ມອບເຄື່ອງອຸປະກອນການແພດ ໃຫ້ແກ່ໂຮງໝໍແຂວງຈໍາປາສັກ. ເປັນກຽດຮັບໂດຍ ທ່ານ ດຣ ສີວິໄຊ ໄຊຍະສານ ຮອງຫົວໜ້າພະແນກສາທາລະນະສຸກແຂວງ, ມີຄະນະຫ້ອງວ່າການແຂວງ, ຄະນະພັກ-ຄະນະອໍານວຍການໂຮງໝໍແຂວງ ແລະ ພາກສ່ວນກ່ຽວຂ້ອງເຂົ້າຮ່ວມ.

ອຸປະກອນການແພດທີ່ມອບ-ຮັບໃນເທື່ອນີ້ມີ: ເຄື່ອງຕິດຕາມອາການຊີວິດຂອງຄົນເຈັບມໍລະສຸມ ຈຳນວນ 3 ເຄື່ອງ; ເຄື່ອງກວດນັບເມັດເລືອດ ຈຳນວນ 1ເຄື່ອງ ແລະ ເຄື່ອງພົ່ນໝອກຄວັນ+ນ້ຳຢາພົ່ນ ຈຳນວນ 1 ເຄື່ອງ. ລວມມີມູນຄ່າ 316 ລ້ານກວ່າກີບ. ໂດຍນຳໃຊ້ງົບປະມານບ້ວງເງິນແຮທ້ອງຖິ່ນປະຈຳປີ 2019, ຈຸດປະສົງ ການມອບກໍ່ເພື່ອຕອບສະໜອງໃຫ້ພຽຽພໍກັບການປິ່ນປົວ ຄົນເຈັບພາຍໃນໂຮງໝໍ ແລະ ນໍາໃຊ້ ຊຸກຍູ້ການສະກັດກັ້ນການລະບາດຂອງພະຍາດໄຂ້ຍຸງລາຍຢ່າງແຂງແຮງ.