ຊີອານ ມີຫຼາກຫຼາຍຢ່າງໃຫ້ທ່ານໄດ້ທ່ຽວຊົມ ເມື່ອເປີດທາງລົດໄຟຕ້ອງໄດ້ໄປຈັກຄັ້ງໜຶ່ງ

188

ທ່ານກໍຄົງຈະເຄີຍໄດ້ຍິນຂ່າວກ່ຽວກັບລົດມ້າສຳລິດບູຮານຍຸກຈິນຊີຮ່ອງເຕ້ ທີ່ມີອາຍຸກວ່າ 2.200 ປີ ທີ່ມີຄຸນຄ່າທາງດ້ານປະຫວັດສາດ, ເຕັກໂນໂລຊີ ແລະ ສິລະປະຢ່າງໃຫຍ່ຫຼວງ ແລະ ມີຄວາມສະຫຼັບສັບຊ້ອນ ເຊິ່ງລົດມ້າ ແລະ ມ້າສໍາລິດບູຮານນີ້ແມ່ນດຶງດູດຄວາມສົນໃຈຈາກທົ່ວໂລກ ຕັ້ງແຕ່ມີການຄົ້ນພົບໃນປີ 1980.

May be an image of standing and outdoors

ລົດມ້າຂະໜາດໃຫຍ່ ພ້ອມມ້າ ໄດ້ຖືກຈັດໃຫ້ເປັນເຄື່ອງສຳລິດຊັ້ນຍອດ ເນື່ອງຈາກມີໂຄງສ້າງທີ່ສະຫຼັບສັບຊ້ອນ ແລະ ເມື່ອບໍ່ດົນມານີ້ ນະຄອນຊີອານ ເຊິ່ງເປັນເມືອງເອກຂອງມົນທົນສ່ານຊີ ກໍໄດ້ເປີດພິພິທະພັນແຫ່ງໃໝ່ ທີ່ໄດ້ມີການຈັດສະແດງບູຮານວັດຖຸທີ່ຂຸດພົບຈາກສຸສານ ຈັກກະພັນ ດິສິນສື່ຫວງ ( ຈິນຊີຮ່ອງເຕ້).

May be an image of indoor

ສຳຄັນແມ່ນງານດັ່ງກ່າວນັ້ນໄດ້ຈັດສະແດງລົດມ້າ ແລະ ມ້າທີ່ເຮັດຈາກສຳລິດອາຍຸ 2.000ປີ ເຊິ່ງຫຼັງຈາກທີ່ຄົ້ນພົບແລ້ວ ກວ່າທີ່ຈະມີການປະກອບສິ້ນສ່ວນທັງລົດມ້າ ແລະ ຕົວຂອງມ້າໃຫ້ສົມບູນນັ້ນຕ້ອງເກັບຊິ້ນສ່ວນມາປະກອບເຖິງ 3.000 ອັນ.

ເນື່ອງຈາກມີໂຄງສ້າງທີ່ສະຫຼັບຊັບຊ້ອນ ເຊິ່ງແຕ່ເດີມແມ່ນຖືກຕົກແຕ່ງດ້ວຍສີສັນທີ່ຫຼາກຫຼາຍ ແຕ່ເນື່ອງຈາກການຂຸດຄົ້ນພົບນັ້ນແມ່ນຢູ່ໃນສະພາບທີ່ແຕກເປັນສິ້ນສ່ວນຫຼາຍກວ່າ 3.000 ອັນ ເຊິ່ງເຮັດໃຫ້ຊ່ຽວຊານທາງດ້ານວັດຖຸບູຮານໃຊ້ເວລາກູ້ຄືນ ເພື່ອໃຫ້ຢູ່ໃນສະພາບທີ່ສົມບູນ ແລະ ໃຊ້ເວລາປະກອບສິ້ນສ່ວນນານເຖິງ 8 ປີ.

No photo description available.

ທີມຜູ້ຊ່ຽວຊານກໍໄດ້ເຮັດສຸດຄວາມສາມາດ ເພື່ອທີ່ຈະແຕ້ມໂຄງສ້າງຂອງລົດມ້າຈຳລອງ ລວມເຖິງວິທີການຂັບເຄື່ອນຕ່າງໆ ດ້ວຍການໃຊ້ເຕັກໂນໂລຊີດິຈິຕອນ ແລະ ອີກຫຼາຍໂປຣແກຣມ ເພື່ອສະແດງຕົວແບບລົດມ້າ ແລະ ຕົວມ້າ ເພື່ອທີ່ຈະເຮັດໃຫ້ນຶກພາບອອກ ແລະ ງ່າຍໃນການປະກອບຊິ້ນສ່ວນ.

May be an image of 3 people, outdoors and monument

ບ່ອນຈັບທີ່ປະຕູລົດມ້າແມ່ນເຮັດດ້ວຍສຳລິດ ເຊິ່ງປະຕູສາມາດເປີດອອກນອກໄດ້ ແຕ່ບໍ່ສາມາດເປີດເຂົ້າດ້ານໃນໄດ້ຫາກຖືກປິດຢູ່ ເຊິ່ງເປັນກົນໄກຂອງລົດມ້າບູຮານທີ່ຜ່ານການຄົ້ນຄິດຢ່າງຮອບຄອບຂອງຄົນໃນສະໄໝນັ້ນ ເຊິ່ງເປັນພູມປັນຍາທີ່ມີຄຸນຄ່າທີ່ສຸດໃນຍຸກນັ້ນ ແລະ ຍັງເປັນສິ່ງທີ່ມີຄຸນຄ່າທີ່ສຸດໃນຍຸກນີ້ຈົນບໍ່ສາມາດຄິດເປັນມູນຄ່າອອກມາໄດ້.