ສືບ​ສານ​ປະ​ເພ​ນີ ເມືອງສຸຂຸມາຈັດງານບຸນນະມັດສະການພະທາດສຳຫຼຽງ

738

ວັນທີ 8-9 ມີນາ 2020 ຜ່ານ​ມາ, ເມືອງ ສຸຂຸມາ, ແຂວງ​ຈຳ​ປາ​ສັກ ໄດ້ຈັດງານບຸນນະມັດສະການພະທາດສຳຫຼຽງຢູ່ທີ່ບ້ານສຳຫຼຽງ, ກຸ່ມບ້ານທີ 2, ເມືອງສຸຂຸມາ ແຂວງຈຳປາສັກ, ໂດຍການເປັນປະທານຂອງ ທ່ານ ນາງ ຂ່າຍແກ້ວ ສິງຫາວົງ ຮອງເລຂາພັກເມືອງ ຮອງເຈົ້າເມືອງໆສຸຂຸມາ, ທ່ານ ນາງ ຂຽວຄໍາ ອຸ່ນແກ້ວ ກຳມະການພັກເມືອງ ປະທານສະຫະພັນແມ່ຍິງເມືອງ, ທ່ານ ໂສພາ ປ້ອງຄໍາ ຮອງຫົວໜ້າຫ້ອງການຖະແຫຼງຂ່າວ – ວັດທະນະທຳ ແລະ ທ່ອງທ່ຽວເມືອງ, ມີບັນດາທ່ານ ໃນຄະນະກໍາມະການພັກເມືຶອງພຣະສົງ, ພະນັກງານທີ່ອ້ອມຂ້າງເມືອງ, ປະທານກຸ່ມບ້ານ, ເລຂາພັກບ້ານແລະປະຊາຊົນເຂົ້າຮ່ວມຢ່າງຫຼວງຫຼາຍ

ພາຍຫຼັງທີ່ໄດ້ຮັບຊົມຂະບວນການແຫ່ອ້ອມພະທາດສຳຫຼຽງແລ້ວ.ໃນພິທີ ທ່ານ ຄໍາຫັວນ ຈິດຈະດາ ຮອງປະທານກຸ່ມບ້ານທີ2 ໄດ້ເລົ່າຄືນປະຫັວດຄວາມເປັນມາຂອງພະທາດສຳຫຼຽງ,ທີ່ຕັ້ງ, ສະພາບຈຸດພິເສດ, ຄວາມພາກພູມໃຈ, ຄວາມມຸ້ງໝັ້ນສາມັກຄີເປັນຈິດໜື່ງໃຈດຽວຂອງພໍ່ແມ່ປະຊາຊົນພາຍໃນບ້ານທາດສຳຫຼຽງ, ເພື່ອເປັນການອະນຸລັກຮັກສາສະຖານທີ່ວັດບູຮານທັງເປັນແຫຼ່ງທ່ອງທ່ຽວທາງປະຫັວດສາດ, ເປັນບ່ອນສືກສາຄົ້ນຄ້ວາຮ່ຳຮຽນທີ່ມີ່ງຂັວນຂອງບ້ານທາດສຳຫຼຽງກໍ່ຄືຊາວເມືອງສຸຂຸມາ

ຈາກນັ້ນ ທ່ານ ນາງ ຂ່າຍແກ້ວ ສິງຫາວົງ ຮອງເລຂາພັກເມືອງ ຮອງເຈົ້າເມືອງ ໄດ້ກ່າວເປີດພິທີພ້ອມທັງປະກອບຄໍາຄິດເຫັນ, ເຊີ່ງທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະພັກ, ອໍານາດການປົກຄອງບ້ານທີ່ໄດ້ພ້ອມພຽງກັນຈັດງານບຸນນະມັດສະການພະທາດສໍາຫຼຽງຂື້ນຢ່າງເປັນຂະບວນການ ,ຮັກສາໄດ້ຄວາມສາມັກຄີ, ວັດທະນະທໍາຮີດຄອງປະເພນີອັນດີງາມຂອງຊາດກໍ່ຄື ຂອງທ້ອງຖີ່ນເພື່ອໃຫ້ລູກຫຼານ ໄດ້ສືບທອດໄວ້ໃຫ້ໝັ້ນຄົງ ພ້ອມນີ້ກໍໍ່ໄດ້ໃຫ້ກຽດລັ່ນຄ້ອງ9ບາດເພື່ອເປັນນິມິດໝາຍທີ່ດີໃຫ້ແກ່ພິທີດັ່ງກ່າວແລະໄດ້ມີການຕັກບາດທາງພຸດທະສາດສະໜາຕາມຮີດຄອງປະເພນີອັນດີງາມຂອງຊາດລາວ

ປະ​ຫວັດ​ຂອງພະທາດສຳຫຼຽງ ແມ່ນໜຶ່ງໃນສະຖານທີ່ສະຖານບູຮານທີ່ເກົ່າແກ່ແຫຼ່ງໜື່ງຂອງເມືອງສຸຂຸມາ ທີ່ທີເລື່ອງລາວ ແລະ ປະຫວັດຄວາມເປັນມາທີ່ໜ້າສົນໃຈ ແລະ ສຶກສາຄົ້ນຄ້ວາ ຮ່ອງຮອຍດ້ານວັດທະນາທໍາ . ປັດຈຸບັນເສັ້ນທາງເຂົ້າໄປຫາສະຖານທີ່ພະທາດແມ່ນໄດ້ຮັບການປັບປຸງສໍາເລັດແລ້ວ 65 % ໂດຍ ບໍລິສັດຈະເລີນເຊກອງກໍ່ສ້າງເປັນຜູ້ຮັບເໝົາ ເຊິ່ງເສັ້ນທາງມີຄວາມຍາວທັງໝົດ 18 ກິໂລແມັດ ນັບແຕ່ບ້ານໂນນຍາງ- ບ້ານສຳຫຼຽງ- ນາຈານ

ຂ່າວ-ພາບ ປັນຍາ ແກ້ວພິລົມ ຖວທ ເມືອງສຸ​ຂຸ​ມາ