ຊົມຄວາມງາມ! ແຫຼງທ່ອງທ່ຽວທຳມະຊາດດານຫີນສາມເສົ້າ ເມືອງອາດສະພອນ, ແຂວງສະຫວັນນະເຂດ

590

ແຂວງສະຫວັນນະເຂດ ກໍ່ຖືວ່າເປັນແຂວງໜຶ່ງທີ່ມີແຫຼງທ່ອງທ່ຽວທຳມະຊາດຈຳນວນຫຼາຍ ຢັງຢ້າຍຕາມທ້ອຖິ່ນຕ່າງໆຊວນໃຫ້ຄົ້ນຫາ. ດານຖ້ຳພຮະ, ດານຫີນສາມເສົ້າ, ດານກະເຕີບ ແລະດານຖ້ຳປ່ອງ ເຂດບ້ານສອງຫ້ອງ ກໍ່ເປັນໜຶ່ງແຫ່ງທີ່ທ່ອງທ່ຽວທີ່ຂຶ້ນຊຶ້ຂອງບ້ານ ແລະ ເມືອງອາດສະພອນ.

ພຣະທາດດອກແກ້ວ ເຊິ່ງເປັນພຣະທາດມິ່ງເມືອງອາດສະພອນ

ຄະລະວານທ່ອງທ່ຽວທຳມະຊາດ ຂອງເມືອງອາດສະພອນ ແຂວງສະຫວັນນະເຂດ ໄດ້ຈັດຂື້ນໃນວັນທີ 20 ກຸມພາ 2020 ນີ້ ໂດຍການນຳທ່ຽວຂອງ ທ່ານ ຄຳແພງ ເພັດທຸມພອນ ກຳມະການພັກແຂວງ ເລຂາພັກເມືອງ ເຈົ້າເມືອງອາດສະພອນ ໂດຍມີບັນດາທ່ານການນຳຂອງເມືອງ, ພະນັກງານຫ້ອງການ-ກົມກອງ ອ້ອມຂ້າງເມືອງ, ຕະຫຼອດຮອດອຳນາດການປົກຄອງບ້ານ ແລະ ພໍ່ແມ່ປະຊາຊົນເຂົ້າຮ່ວມ ຈຳນວນ 200 ກວ່າຄົນ.

ມອບ-ຮັບ ເຄື່ອງປະກອນການຮຽນແກ່ໂຮງຮຽນປະຖົມບ້ານສອງຫ້ອງ

ຈຸດໝາຍການທ່ອງທ່ຽວ ຂອງຄະລະວານໃນຄັ້ງນີ້ ແມ່ນທ່ຽວຊົມທຳມະຊາດ ດານຖ້ຳພຮະ, ດານຫີນສາມເສົ້າ, ດານກະເຕີບ ແລະດານຖ້ຳປ່ອງ ເຂດບ້ານສອງຫ້ອງ, ຂະບວນຄະລະວານທ່ອງທ່ຽວ ໄດ້ເລີ່ມເດີນທາງຈາກເທສະບານເມືອງ ຈາກນັ້ນ ກໍ່ໄດ້ແວ່ກາບໄຫວ້ພຣະທາດດອກແກ້ວ ເຊິ່ງເປັນພຣະທາດມິ່ງເມືອງ ແລ້ວກໍ່ເດີນທາງໄປທີ່ໂຮງຮຽນ ປະຖົມບ້ານສອງຫ້ອງ ເພື່ອມອບອຸປະກອນການສຶກສາ ໃຫ້ກັບໂຮງຮຽນ ໂດຍມີຄູອາຈານ ແລະນ້ອງນັກຮຽນໃຫ້ການຕ້ອນຮັບ, ຫຼັງຈາກນັ້ນ ຂະບວນກໍ່ໄດ້ເດີນທາງມຸ້ງໜ້າຂື້ນສູ່ດານຖ້ຳພຣະ ເຊິ່ງຢູ່ຫ່າງຈາກບ້ານສອງຫ້ອງປະມານ 10 ກວ່າກິໂລແມັດ, ຂະບວນຄະລະວານທ່ອງທ່ຽວ ຍັງເດີນເດີນທາງຕໍ່ດ້ວຍການຍ່າງ ເປັນໄລຍະທາງ 5-6 ກິໂລແມັດ ເພື່ອທ່ຽວຊົມທຳມະຊາດ ດານຫີນສາມເສົ້າ, ດານກະເຕີບ ແລະດານຖ້ຳປ່ອງ.

ຫີນດານສາມເສົ້າ

ພ້ອມທັງຊົມທຳມະຊາດ ພູຜາປ່າໄມ້ຕາມສາຍພູຊ້າງແຫ່ ແລະທິວທັດທຳມະຊາດ ໃນຊ່ວງລະດູບານໃໝ່ ທີ່ສວຍງາມ. ທັງນີ້ ກໍ່ເພື່ອເປັນການສົ່ງເສີມວຽກງານການທ່ອງທ່ຽວພາຍໃນເມືອງໃຫ້ມີບົດບາດເດ່ັນ, ທັງເປັນການປູກຈິດສຳນຶກໃຫ້ລູກຫຼານ ແລະພໍ່ແມ່ປະຊາຊົນ ຮັບເຂົ້າ ແລະເຂົ້າໃຈໃນວຽກງານການທ່ອງທ່ຽວ, ການບໍລິການ. ອີກທັງຮູ້ຈັກປົກປັກຮັກສາທຳມະຊາດ ພູຜາປ່າໄມ້ ເຊິ່ງເປັນທີ່ຢູ່ຂອງສັດປ່ານາໆພັນ ເພື່ອໃຫ້ຄົງຢູ່ຕະຫຼອດໄປ.

ພາບ ແລະ ຂ່າວສົມຈິດ ແກ້ວສີຖາທິລາດ