ລາວທ່ຽວໄປນອກກໍ່ມີຫຼາຍ! ປີ 2019 ມີນັກທ່ອງທ່ຽວລາວໄປທ່ຽວມາເລເຊຍເຖິງ 30 ພັນກວ່າຄົນ

345

ອົງການທ່ອງທ່ຽວປະເທດມາເລເຊຍ ເຜີຍໃນປີ 2019 ມີຈຳນວນນັກທ່ອງທ່ຽວລາວໄປທ່ຽວມາເລເຊຍ ເຖິງ 30 ພັນກວ່າຄົນ, ເພີ່ມຂຶ້ນ 13,8% ທຽບໃສ່ປີ 2018.

ໃນຂະນະທີ່ໃນປີ 2020 ຕັ້ງເປົ້າຈະດຶງດູດເອົານັກທ່ອງທ່ຽວລາວ ເຂົ້າໄປທ່ອງທ່ຽວມາເລເຊຍ ໃຫ້ໄດ້ 38.500 ຄົນ. ສະນັ້ນ, ເພື່ອເປັນການໂຄສະນາດຶງດູດເອົານັກທ່ອງທ່ຽວລາວ ເຂົ້າໄປທ່ຽວມາເລເຊຍໃຫ້ຫລາຍຂຶ້ນ ອົງການທ່ອງທ່ຽວມາເລເຊຍ ໄດ້ນຳເອົາຜະລິດຕະພັນການທ່ອງທ່ຽວມາວາງສະແດງ ໃນງານບຸນນະມັດສະການພະທາດຫລວງວຽງຈັນ ໃນລະຫວ່າງວັນທີ 5-11 ພະຈິກ 2019 ແນໃສ່ຊຸກຍູ້ສົ່ງເສີມການທ່ອງທ່ຽວ ລາວ-ມາເລເຊຍ ໃຫ້ໄດ້ຮັບການພັດທະນາ ແລະ ແຜ່ຫລາຍຂຶ້ນເລື້ອຍໆ.

ຂໍ້ມູນ: ຂປລ