ນັກທ່ອງທ່ຽວ ເດີນທາງໄປປີນພູ “ຫີນອູລູຣູ” ກ່ອນທີ່ຈະປິດຖາວອນ ປະເທດອົດສະຕຣາລີ

365

ປະຊາຊົນຈາກທົ່ວໂລກຕ່າງກໍ່ພາກັນແຫ່ໄປທ່ຽວຊົມ ແລະ ປີນພູຫີນອູລູຣູ ທີ່ຕັ້ງຢູ່ທາງພາກເໜືອຂອງປະເທດອົດສະຕຣາລີ ເຊິ່ງໄດ້ເປີດໃຫ້ເຂົ້າທ່ຽວຊົມເປັນມື້ສຸດທ້າຍ ເມື່ອວັນສຸກ ທີ 25 ຕຸລາ ກ່ອນທີ່ຈະປິດໃຫ້ບໍລິການແບບຖາວອນ ຕາມຄວາມຮຽກຮ້ອງຕ້ອງການຂອງຄົນພື້ນເມືອງ.

ສຳນັກຂ່າວຕ່າງປະເທດລາຍງານຈາກເມືອງຢູລາຣາ ປະເທດອົດສະຕຣາລີ ເມື່ອວັນສຸກ ທີ 25 ຕຸລາ ວ່າ ນັກທ່ອງທ່ຽວຈາກທົ່ວໂລກທັງພາຍໃນ ແລະ ຕ່າງປະເທດ ເດີນທາງມາທ່ຽວຊົມພູຫີນອູລູຣູ ເຊິ່ງຕັ້ງຢູ່ໃນເຂດທະເລຊາຍຂອງເມືອງອະລິຊ ສະປຣິງສ໌ ໃນລັດນັອດເທິນເທຣິທໍຣີ ທາງພາກເໜືອຂອງປະເທດ ເມື່ອວັນສຸກ ໂດຍເປັນການເປີດໃຫ້ບໍລິການເປັນມື້ສຸດທ້າຍ ກ່ອນທີ່ທາງລັດຖະບານອົດສະຕຣາລີຈະປິດໃຫ້ບໍລິການແບບຖາວອນ ຕັ້ງແຕ່ວັນເສົາ ທີ 26 ຕຸລາ 2019 ເປັນຕົ້ນໄປ.

ในภาพอาจจะมี หนึ่งคนขึ้นไป, ท้องฟ้า, สถานที่กลางแจ้ง และธรรมชาติ

ການພິຈາລະນາຕາມຄວາມຮຽກຮ້ອງດັ່ງກ່າວ ຖືເປັນ “ໄຊຊະນະທີ່ສວຍງາມ” ຂອງຊາວພື້ນເມືອງອານັງກູ ເຊິ່ງຖືວ່າເປັນ  “ເຈົ້າຂອງພື້ນທີ່ຕາມທຳນຽມ” ທີ່ໄດ້ຕໍ່ສູ້ ແລະ ຮຽກຮ້ອງໃຫ້ລັດຖະບານກາງ ໃນນະຄອນຫຼວງແຄນເບີຣາປິດເສັ້ນທາງການທ່ອງທ່ຽວສູ່ພຸຫີນແຫ່ງນີ້ ຕັ້ງແຕ່ປີ 1985 ເນື່ອງຈາກພວກເຂົາເຈົ້າມີຄວາມເຊື່ອເປັນ “ສະຖານທີ່ສັກສິດ” ຕາມຄວາມເຊື່ອຂອງຊາວພື້ນເມືອງ.

ในภาพอาจจะมี หนึ่งคนขึ้นไป, ท้องฟ้า, รองเท้า, สถานที่กลางแจ้ง และธรรมชาติ

ທັງນີ້ ໜ່ວຍງານອຸທິຍານແຫ່ງຊາດອົດສະຕຣາລີ ໄດ້ປະກາດກຽມປິດພູຫີນອູລູຣູ ແຫ່ງນີ້ ແບບຖາວອນ ຕັ້ງແຕ່ 2 ປີກ່ອນ ສົ່ງຜົນໃຫ້ຈຳນວນນັກທ່ອງທ່ຽວເພີ່ມຂື້ນຢ່າງຕໍ່ເນື່ອງ ແລະ ເພີ່ມຂື້ນຫຼາຍເກືອບ 4 ແສນຄົນ ພາຍໃນໄລຍະ 12 ເດືອນ ເຖິງທ້າຍເດືອນມິຖຸນາ ຜ່ານມາ.

ในภาพอาจจะมี 1 คน, ท้องฟ้า, สถานที่กลางแจ้ง และธรรมชาติ

ອີກປະການໜຶ່ງ ພູຫີນອູລູຣູ ມີອີກຊື່ ວ່າ “ຫີນເອເຢີ (Uluru Rock or Ayers Rock)” ເປັນຊື່ທີ່ຮ້ອງຕາມເຊີເຮັນຣີ ເອເຢີ ນາຍົກລັດຖະມົນຕີ ຄົນທີ 8 ຂອງປະເທດອົສຕາລີ, ມີຄວາມສູງ 863 ແມັດແລະ ໄດ້ຂຶ້ນທະບຽນ ໂດຍອົງການການສຶກສາ ວິທະຍາສາດ ແລະ ວັດທະນະທຳແຫ່ງສະຫະປະຊາຊາດ (UNESCO) ໃຫ້ເປັນມໍລະດົກໂລກທາງທຳມະຊາດ ໃນກອງປະຊຸມສະໄໝສາມັນ ຄັ້ງທີ 11 ເມື່ອປີ 1987.