ຕາດຊ້າງເທວະດາ ເມືອງທຸລະຄົມ ແຂວງວຽງຈັນ

1128

ແຂວງວຽງຈັນເປັນແຂວງໜຶ່ງ ເຊິ່ງຕັ້ງຢູ່ທາງຮອບນອກທາງທິດເໜືອຂອງນະຄອນຫຼວງວຽງຈັນມີຊື່ສຽງດ້ານການທ່ອງທ່ຽວ ບໍ່ວ່າຈະເປັນການທ່ອງທ່ຽວທຳມະຊາດ, ປະຫວັດສາດ ແລະ ວັດທະນະທຳແຕ່ລະເມືອງລ້ວນແຕ່ມີທ່າແຮງໃນດ້ານການທ່ອງທ່ຽວ.

ຖ້າເອີ່ຍເຖິງສະຖານທີ່ນໍ້າຕົກຂອງແຂວງວຽງຈັນ ທີ່ຢູ່ໃກ້ນະຄອນຫຼວງວຽງຈັນແລ້ວ ນ້ຳຕົກຕາດຊ້າງເທວະດາ ເມືອງທຸລະຄົມ ແຂວງວຽງຈັນ ເປັນແຫຼ່ງທ່ອງທ່ຽວທຳມະຊາດອີກແຫ່ງໜຶ່ງທີ່ມີ ຄວາມສວຍງາມ ແລະ ມີບັນຍາກາດທີ່ໜ້າສຳຜັດ ເຊິ່ງແຕ່ລະປີສາມາດດຶງດູດນັກທ່ອງທ່ຽວເຂົ້າມາທ່ຽວຊົມເປັນຈຳນວນຫຼວງຫຼາຍ ລວມທັງນັກທ່ອງທ່ຽວພາຍໃນ ແລະ ຕ່າງປະເທດ ໂດຍວັນເທດສະການຕ່າງໆຈະມີນັກທ່ອງທ່ຽວພາຍໃນໄປຫຼິ້ນນ້ຳ, ປູສາດກິນເຂົ້າເປັນສ່ວນໃຫຍ່ ເຊິ່ງຈະມີປະເພດແບບຄອບຄົວ, ໝູ່ຄະນະ ແລະ ເພື່ອນຝູງຢ່າງຄຶກຄື້ນມ່ວນຊື່ນ.

ในภาพอาจจะมี 1 คน, สถานที่กลางแจ้ง และธรรมชาติ

ນ້ຳຕົກຕາດຊ້າງ ແມ່ນໜຶ່ງໃນບັນດາແຫຼ່ງທ່ອງທ່ຽວທີ່ມີຊື່ສຽງຂອງເມືອງທຸລະຄົມ ແຂວງວຽງຈັນ, ຕາດຊ້າງຕັ້ງຢູ່ຕີນພູເຂົາຄວາຍຫ່າງຈາກທາງເລກ 10 ທາງແບ່ງຂົວບ້ານນາແພງ ເຂົ້າໄປປະມານ 4 ກວ່າກິໂລແມັດ, ຖ້າອອກຈາກນະຄອນຫຼວງວຽງຈັນ ໄປຕາມທາງເລກ 10 ຜ່ານຂົວທ່າງ່ອນ ຢູ່ຫຼັກກິໂລແມັດທີ 58 ມີທາງແວ່ເຂົ້າເບື້ອງຂວາມື ເປັນທາງປູຢາງຈົນຮອດສະຖານທີ່ທ່ອງທ່ຽວເລີຍ.

ไม่มีคำอธิบายรูปภาพ

ໃນລະຫວ່າງເສັ້ນທາງປະມານ 4 ກິໂລແມັດ ເຂົ້າໄປຫານ້ຳຕົກຕາດ ຈະຜ່ານບ້ານນາຫວ້າ ແລະ ບ້ານໂພນມ່ວງ ເມື່ອໃກ້ຈະຮອດຕີນພູ ມີເສັ້ນທາງຜ່ານຄູດິນສູງໃຫຍ່ທີ່ເປັນເຂື່ອນຕັນນ້ຳ ໃນເນື້ອທີ່ຫຼາຍສິບເຮັກຕາ ເພື່ອເກັບກັກນ້ຳເອົາໄວ້ໃຊ້ເຂົ້າໃນຊົນລະປະທານ ແລະ ກໍເປັນແຫຼ່ງທ່ອງທ່ຽວເຊັ່ນດຽວກັນ.

ສະພາບແວດລ້ອມອ້ອມຂ້າງແມ່ນມີສິ່ງທີ່ສວຍງາມ ແລະ ມີໂງ່ນຫີນຢັງຢາຍກັນໄປທົ່ວບໍລິເວນ ນ້ຳໃສເຢັນໆໄຫຼຜ່ານຕະຫຼອດໃນໄລຍະລະດູຝົນ ອ້ອມສອງຟາກຕາດຈະເຕັມໄປດ້ວຍຕົ້ນໄມ້ໃຫຍ່ – ນ້ອຍ ຢັງຢາຍຢູ່ເປັນແຖວເຮັດໃຫ້ຜູ້ທີ່ໄດ້ໄປທ່ຽວຊົມຮູ້ສຶກສົດຊື່ນ ແລະ ອາກາດໃນບໍລິເວນນັ້ນຖືໄດ້ວ່າເປັນອາກາດທີ່ບໍລິສຸດແທ້ໆ.

ในภาพอาจจะมี สถานที่กลางแจ้ง, ธรรมชาติ และน้ำ

ນ້ຳຕົກຕາດແຫ່ງນີ້ ເອີ້ນໄດ້ວ່າເປັນສະຖານທີ່ທ່ອງທ່ຽວທີ່ທຳມະຊາດຈົງໃຈປັ້ນແຕ່ງຂຶ້ນມາເພື່ອສ້າງສິ່ງສຳລານໃຈໃຫ້ນັກທ່ອງທ່ຽວໄດ້ເຫັນໄດ້ຊົມກັນ ເຊິ່ງໃນແຕ່ລະປີມີນັກທ່ອງທ່ຽວທັງພາຍໃນ ແລະ ຕ່າງປະເທດເຂົ້າມາທ່ຽວຊົມເປັນຈຳນວນຫຼວງຫຼາຍ ໂດຍສ່ວນໃຫຍ່ແລ້ວໃນວັນເທດສະການຕ່າງໆຈະມີນັກທ່ອງທ່ຽວພາຍໃນໄປຈັດກິດຈະກຳທີ່ຫຼາກຫຼາຍພາຍໃນຕາດ ເປັນຕົ້ນ: ຫຼິ້ນນ້ຳ, ປູສາດກິນເຂົ້າ ແລະ ອື່ນໆ ທ່າມກາງບັນຍາກາດອັນບໍລິສຸດ ແລະ ຄວາມງຽບສະຫງົບ ເໝາະສົມທີ່ສຸດສຳລັບການພັກຜ່ອນຢ່ອນອາລົມໃນຫຼາຍຮູບແບບ.

ในภาพอาจจะมี ท้องฟ้า, สถานที่กลางแจ้ง, ธรรมชาติ และน้ำ

ວຽງຈັນ ເປັນແຂວງໜຶ່ງທີ່ອຸດົມສົມບູນໄປດ້ວຍວັດທະນະທຳ ແລະ ທຳມະຊາດ ມີຫຼາຍເຂດຫຼາຍທ້ອງຖິ່ນໄດ້ຖືກສ້າງໃຫ້ກາຍເປັນແຫຼ່ງທ່ອງທ່ຽວ ໂດຍອາໄສທຳມະຊາດ, ປະຫວັດສາດ ແລະ ວັດທະນະທຳ ເປັນສິ່ງດຶງດູດເອົາຜູ້ຄົນ ບໍ່ວ່າຈະເປັນທັງພາຍໃນ ແລະ ຕ່າງປະເທດ. ໃນນັ້ນ, ມີສະຖານທີ່ໜຶ່ງທີ່ໜ້າສົນໃຈ ແລະ ຜູ້ຄົນມັກເວົ້າເຖິງນັ້ນ ກໍຄືຕາດຊ້າງເທວະດາແຫ່ງນີ້.

ในภาพอาจจะมี ท้องฟ้า, ต้นไม้, สถานที่กลางแจ้ง, ธรรมชาติ และน้ำ