ຫາດດອນກາງ ກຽມພ້ອມຕ້ອນຮັບນັກທ່ອງທ່ຽວໄລຍະບຸນປີໃໝ່ລາວ

692

ຫຼາຍໆຄົນອາດວາງແຜນໄວ້ແນ່ແລ້ວ ວ່າບຸນປີໃໝ່ນີຈະໄປທ່ຽວໃສ  ຖ້າຍັງຢູ່ມື້ນີ້ແອັດມິນຂໍນໍາສະເໝີໜຶ່ງສະຖານທີ່ທ່ອງທ່ຽວນັ້ນກໍຄື ຫາດດອນກາງ ເມືອງເຟືອງ ແຂວງວຽງຈັນ ທີ່ທາງຜູ້ຮັບຜິດຊອບ ເພິ່ນໄດ້ກຽມພ້ອມທຸກກິດຈະກໍາທີ່ຈະມອບຄວາມສຸກ ມ່ວນຊື່ນໃຫ້ແກ່ທ່ານຕະຫຼອດບຸນປີໃໝ່ລາວປີ 2019 ໃນລະຫວ່າງວັນທີ 14-16 ເມສານີ້.

ພາຍໃນງານບຸນປີໃໝ່ລາວນັ້ນທີ່ ຫາດດອນກາງ ມີການບໍລິການຂີ່ກົງເບັງ, ລ່ອງແພ, ລ່ອງເຮືອຈັກຫາງຍາວ, ເຈສກີ້ ແລະ ອີກຫຼາຍໆກິດຈະກຳໃຫ້ທ່ານຫຼິ້ນ ພ້ອມນັ້ນຍັງມີກິດຈະກຳແຈກລາງວັນອີກຫຼາຍຢ່າງ.

ປີນີ້ພິເສດ ສຸດຍອດກວ່າທຸກປີຂໍເຊີນທຸກທ່ານມາຮ່ວມສໍາພັດບັນຍາກາດດີໆ ດົນຕຣີມ່ວນໆ ຈາກວົງດົນຕຣີ ຫນຸ່ມ ວີໄອພີມິວສິກ. ວົງດົນຕຣີນ້ອງໃໝ່ ທີ່ມີຊື່ສຽງຈາກນະຄອນຫຼວງວຽງຈັນ ໄປມ່ວນນໍາກັນໃຫ້ໄດ້ເດີ້ 14-16 ເມສາ 2019.

ຫາດດອນກາງ ເປັນສະຖານທີ່ທ່ອງທ່ຽວທີ່ເໝາະແກ່ການພາຄອບຄົວໄປພັກຜ່ອນ ເພື່ອຜ່ອນຄາຍຄວາມຮ້ອນ ແລະ ສະຖານທີ່ທ່ອງທ່ຽວຍອດນິຍົມ ໃນການຫລິ້ນນໍ້າ, ລ່ອງແພ, ລ່ອງເຮືອ ແລະ ແກ້ງຕາດຕ່າງໆ, ມີທຳມະຊາດ ທີ່ສວຍງາມ, ນໍ້າໃສໄຫລເຢັນເໝາະແກ່ການເຮັດກິດຈະກຳຕ່າງໆໃນມື້ພັກຜ່ອນ.

ແຫລ່ງທ່ອງທ່ຽວຫາດດອນກາງ ແມ່ນຫາດຊາຍຕາມສາຍນໍ້າລີກ ທີ່ຕັ້ງຢູ່ຫ່າງຈາກເທດສະບານ ເມືອງປະມານ 3 ກິໂລແມັດ ແລະ ຫ່າງຈາກນະຄອນຫລວງວຽງຈັນ ປະມານ 122 ກິໂລແມັດໄປຕາມ ເສັ້ນທາງເລກ 13 ເໜືອແລ້ວລ້ຽວ ຊ້າຍເຂົ້າທາງແຍກເມືອງຫີນເຫີບ ດ້ວຍຫົນທາງທີ່ສະດວກສະບາຍ ຈົນເຖິງສະຖານທີ່ທ່ອງທ່ຽວ.

ຈາກ: ເມືອງເຟືອງ ແຂວງ ວຽງຈັນ