ກອງຫຼັງຂອງ ໂບຣຸສເຊຍ ດ໊ອດມູນ ກາຍເປັນນັກເຕະທີ່ແລ່ນໄວທີ່ສຸດໃນປະຫວັດສາດ ບຸນເດສລີກາ

773

ອາຊຣາຟ ຮາຄິມີ ກອງຫຼັງຂອງ ໂບຣຸສເຊຍ ດ໊ອດມູນ ກາຍເປັນນັກເຕະທີ່ແລ່ນໄວທີ່ສຸດຕໍ່ການແລ່ນ 1 ຄັ້ງໃນປະຫວັດສາດຂອງການແຂ່ງຂັນ ບຸນເດສລີກາ ເຢຍລະມັນ ນັບຕັ້ງແຕ່ມີການເລີ່ມບັນທຶກສະຖິຕິເມື່ອລະດູການ 2011-2012 ດ້ວຍຄວາມໄວ 22,67 ມາຍ ( MI ) ຕໍ່ຊົ່ວໂມງ ( ປະມານ 36,48 ກິໂລແມັດຕໍ່ຊົ່ວໂມງມ ) ຕາມການເປີດເຜີຍຂອງເວັບໄຊທ໌ທາງການຂອງ ບຸນເດສລີກາ ເຢຍລະມັນ ໃນທ້າຍອາທິດ ທີ່ຜ່ານມາ.

ສະຖິຕິດັ່ງກ່າວເກີດຂຶ້ນໃນນັດທີ່ ດ໊ອດມູນ ເປີດບ້ານເອົາຊະນະ ອູນິໂອນ ເບີລິນ 5-0 ເມື່ອເດືອນກຸມພາ 2020 ເຊິ່ງເປັນການທໍາລາຍສະຖິຕິເກົ່າຂອງຕົວເອງ ຫຼັງຈາກທີ່ລາວເຄີຍແລ່ນໄດ້ 22,49 ມາຍຕໍ່ຊົ່ວໂມງໃນນັດທີ່ ດ໊ອດມູນ ສະເໝີກັບ ແອເບ ໄລຊິກ 3-3 ໃນເດືອນທັນວາປີກ່ອນ.
5 ອັນດັບ ນັກເຕະທີ່ແລ່ນໄວທີ່ສຸດຕະຫລອດການຂອງ ບຸນເດສລີກາ ເຢຍລະມັນ ນັບຕັ້ງແຕ່ເລີ່ມບັນທຶກສະຖິຕິດັ່ງກ່າວໃນລະດູການ 2011-2012 ( ວັດຈາກການແລ່ນ 1 ຄັ້ງ ).

1.ອາຊຣາຟ ຮາຄິມີ 22,67 ມາຍຕໍ່ຊົ່ວໂມງ
2.ແຣ໊ບບີ້ ມາຕອນໂດ 22,35 ມາຍຕໍ່ຊົ່ວໂມງ
3.ຄິງສ໌ເລ ເອຊິບູເອ້ 22,3 ມາຍຕໍ່ຊົ່ວໂມງ
4.ຄິງເສ່ຍ ໂດມັນ 22,16 ມາຍຕໍ່ຊົ່ວໂມງ
5.ເຢເຣເມຍ ເຊັນ ຢຸສເຕ 22,12 ມາຍຕໍ່ຊົ່ວໂມງ