ຟິວຣີ – ໄວລເດີ ຈໍ່ໄດ້ລ້າງຕາໄຟທ໌ທີ 3 ທີ່ມາເກົ໊າ

528

ການແຂ່ງຂັນມວຍສາກົນອາຊີບລະດັບໂລກລະຫວ່າງ ໄທສັນ ຟິວຣີ ກັບ ດີອອນເຕ ໄວລເດີ ວາງກໍານົດຊົກກັນໃນທ້າຍປີ 2020 ແລະ ສະຖານທີ່ຄາດວ່າ ຈະເປັນ ມາເກົ໊າ ເຂດປົກຄອງພິເສດຂອງຈີນ ທີ່ປອດໄພຈາກ ໂຄວິດ-19.

ບ໊ອບ ອາຣໍາ ຜູ້ຈັດການມວຍ ວາງແຜນຈັດມວຍສາກົນອີກໄຟທ໌ສໍາຄັນລະຫວ່າງ ໄທສັນ ຟິວຣີ ກັບ ດີອອນເຕ ໄວລເກີ ເຊິ່ງຄັ້ງຫຼ້າສຸດທັງສອງພົບກັນໃນວັນທີ 22 ກຸມພາ 2020 ທີ່ລັດເນວາດາ ປະກົດວ່າ ຟິວຣີ ຊະນະນ໊ອກໃນຍົກທີ 7 ຄວ້າສາຍແອວແຊັມໂລກຮຸ່ນ ເຮຟວີເວດ ຂອງສະພາມວຍໂລກ ມາຄອງ.

ຫຼ້າສຸດໄດ້ຮັບຂ່າວດີເມື່ອມີການເປີດເຜີຍວ່າ: ອາຣໍາ ແລະ ແຟຣງ ວໍເຣນ ຜູ້ຈັດການມວຍຊາວອັງກິດ ໄດ້ຮັບຂໍ້ສະເໜີຈາກຜູ້ຈັດໃນອາຊີຕາເວັນອອກ ຂໍເປັນເຈົ້າພາບຈັດໄຟທ໌ດັ່ງກ່າວທີ່ ໂຄໄທ ອາຣີນາ ໃນເຂດປົກຄອງພິເສດມາເກົ໊າ.
ສໍາລັບ ໂຄໄທ ອາຣີນາ ຄືສະໜາມຂະໜາດໃຫຍ່ສາມາດບັນຈຸໄດ້ 15.000 ທີ່ນັ່ງ ຜ່ານການຈັດຄອນເສີດຂອງສິລະປິນລະດັບໂລກ ລວມເຖິງການແຂ່ງຂັນກີລາມວຍມາຫຼາຍລາຍການ.