ໂຮລີຟິລ ຊ້ອມໜັກເອີ້ນ ຄລິກໂກ ຮ່ວມຊ້ອມ ລຸ້ນຊົກກັບ ໄທສັນ ພາກ 3

628

ອີແວນເດີ ໂຮລີຟິລ ຕໍານານນັກມວຍຮ່າງໃຫຍ່ ຊັກຊວນ ວະລາດິເມຍ ຄລິກໂກ ອະດີດແຊັມໂລບກຊາວອູແກຣນ ເຂົ້າຮ່ວມຝຶກຊ້ອມ ເພື່ອເປັນຄູ່ຊ້ອມເຂັ້ມ ກ່ອນກຽມຂຶ້ນຊົກອີກຄັ້ງ ຫຼັງກ່ອນໜ້ານີ້ປະກາດອໍາລາວົງການມວຍອາຊີບນັບຕັ້ງແຕ່ປີ 2011.

ໂຮລີຟີລ ອາຍຸ 57 ປີ ຢືນຢັນວ່າ: ໄຟທ໌ທີ່ລຸ້ນຊົກກັບ ໄທສັນ ເປັນພຽງໄຟທ໌ເພື່ອການກຸສົນ ແຕ່ຕາມຄລິບວີດີໂອໃນທ້າຍອາທິດທີ່ຜ່ານມາແມ່ນ ໂຮລີຟິລ ຊ້ອມຢ່າງໜັກທີ່ສຸດ ພ້ອມທັງໄດ້ ຄລິກໂກ ນັກມວຍອາຍຸ 44 ປີມາຮ່ວມຊ້ອມ.

ກ່ອນໜ້ານີ້ ໂຮລີຟິລ ເປີດເຜີຍກັບ ເດລີ ເມລ ໜັງສືພິມທີ່ມີຊື່ສຽງຂອງປະເທດອັງກິີດວ່າ: ກຽມເຈລະນາກັບ ໄທສັນ ນັກມວຍອາຍຸ 53 ປີກ່ຽວກັບໄຟທ໌ ພິເສດ ແຕ່ຍັງບໍ່ເຖິງຈຸດທີ່ຕົກລົງກັນໄດ້, ແຕ່ກໍມີການເຈລະຈາແລ້ວ.