ໂອຊາກະ ຢຸດສະຖິຕິ 4 ປີຊ້ອນຂອງ ເຊເຣນາ ຄວ້ານັກກີລາຍິງທີ່ມີລາຍໄດ້ສູງສຸດ

551

ນາໂອມິ ໂອຊາກະ ນັກເທັນນິສຍິງມື 10 ຂອງໂລກ ສາມາດຢຸດສະຕິຂອງ ເຊເຣນາ ວິລລຽມ ນັກເທັນນິສຊາວອາເມຣິກາ ຄວ້າອັນດັບ 1 ຂອງນັກກີລາຍິງທີ່ມີລາຍໄດ້ສູງສຸດເຖິງ 37,4 ລ້ານໂດລາ ລວມທັງເງິນລາງວັນ ແລະ ຄ່າໂຄສະນາ ຕະຫຼອດປີ 2019.

ຕາມການສໍາຫຼວດຂອງ ຟອບສ໌ ວາລະສານການເງິນທີ່ມີຊື່ສຽງລະບຸວ່າ: ໂອຊາກະ ອາຍຸ 22 ປີສ້າງສະຖິຕິກວາດເງິນເຂົ້າກະເປົ໋າ ໄດ້ຫຼາຍທີ່ສຸດຮອບ 12 ເດືອນ ແລະ ເໜືອກວ່າ ເຊເຣນາ ທີ່ຄອງອັນດັບ 1 ໄດ້ 4 ປີທີ່ຜ່ານມາ.

ໂອຊາກະ ແຈ້ງເກີດດ້ວຍການເອົາຊະນະ ເຊເຣນາ ໃນລາຍການໃຫຍ່ ຢູເອັສ ໂອເພັນ 2018 ໃນຮອບຊີງຊະນະເລີດ ກ່ອນຈະສາມາດຄວ້າແຊັມ ອົດສະຕຣາລີ ໂອເພັນ 2019 ຫຼ້າສຸດກາຍເປັນນັກກີລາຍິງທີ່ມີລາຍໄດ້ສູງສຸດ ນອກນັ້ນຍັງມີສັນຍາກັບ ໄນກີ້, ນິສສັນ, ຊິເຊໂດ ແລະ ໂຢເນັກຊ໌ ເປັນຕົ້ນ.