ທ່ານນາຍົກລັດຖະມົນຕີ ແອັດສະປາຍ ອະນຸຍາດໃຫ້ ລາລີກາ ກັບມາແຂ່ງຂັນຕໍ່ໄດ້ 8 ມິຖຸນາ 2020

557

ທ່ານ ເປໂດຮ ຊານເຊຊ ນາຍົກລັດຖະມົນຕີແຫ່ງແອັດສະປາຍ ອະນຸຍາດໃຫ້ການແຂ່ງຂັນບານເຕະ ລາລີກາ ແອັດສະປາຍ ລະດູການ 2019-2020 ກັບມາແຂ່ງຂັນຕໍ່ໃນວັນທີ 8 ມິຖຸນາ 2020 ໂດຍທີ່ບໍ່ອະນຸຍາດໃຫ້ຜູ້ຊົມເຂົ້າເບິ່ງໃນສະໜາມໄດ້.

ການແຂ່ງຂັນບານເຕະ ລາລີກາ ແອັດສະປາຍ ຖືກລະງັບຊົ່ວຄາວ ນັບຕັ້ງແຕ່ວັນທີ 12 ມີນາ 2020 ເນື່ອງຈາກການລະບາດຂອງ ໂຄວິດ-19 ຫຼ້າສຸດນັກເຕະຂອງສະໂມສອນຕ່າງໆໃນ ລາລີກາ ແອັດສະປາຍ ສາມາດກັບມາຊ້ອມເປັນປົກກະຕິແລ້ວ.

ສໍາລັບ ລາລີກາ ແອັດສະປາຍ ເຫຼືອການແຂ່ງຂັນອີກ 11 ນັດ ກໍຈະຈົບລະດູການ ໂດຍທີ່ປັດຈຸບັນ ບາເຊໂລນາ ແຊັມເກົ່າຂຶ້ນເປັນທີມນໍາ ໂດຍມີ ຣີລ ມາດຣິດ ໄລ່ຫຼັງມາພຽງ 2 ຄະແນນ.