ລາວລີກ 1 ປີ 2020 ມີ 7 ທີມຮ່ວມຊີງໄຊ ໄປເບິ່ງຜົນງານປີທີ່ຜ່ານມາຂອງແຕ່ລະທີມ

548

ການແຂ່ງຂັນບານເຕະລີກສູງສຸດຂອງ ສປປ ລາວ ລາຍການ ເປບຊີ ລາວລີກ 1 ປະຈໍາປີ 2020 ຈະມີ 7 ທີມຮ່ວມຊີງໄຊ ແລະ ແຂ່ງຂັນກັນ 3 ຮອບ ເພື່ອຕັດສິນແຊ້ມ ຂະນະທີ່ ເຕັງ 1 ເປັນທີມໃດບໍ່ໄດ້ນອກຈາກ ລາວໂຕໂຢຕ້າ ເອັຟຊີ, ສ່ວນ ເອັສຣາ ເອັຟຊີ ນ້ອງໃໝ່ໄຟແຮງເປັນອີກທີມທີ່ໜ້າຕິດຕາມ.

5. ສະໂມສອນ ວຽງຈັນ ເອັຟຊີ ຈາກແຂວງວຽງຈັນ (Vienchanh FC) ເປັນທີມນ້ອງໃໝ່ ແລະ ເປັນທີມໜຶ່ງດຽວຈາກຕ່າງແຂວງ ຜົນງານປີ 2019 ແມ່ນຫຼິ້ນໃນລາວລີກ 2 ( ສາຍ ກ ) ລົງສະໜາມ 22 ນັດຊະນະ 5, ສະເໝີ 4 ແລະ ເສຍ 12 ນັດຢູ່ອັນດັບທີ 9 ຂອງຕາຕະລາງ.

6. ສະໂມສອນ ວຽງຈັນ ເອັຟທີ (Vientiane FT) ເປັນອີກທີມນ້ອງໃໝ່ ໂດຍເລື່ອນຈາກ ລາວລີກ 2 ກັບຜົນງານລົງສະໜາມ 22 ນັດຊະນະ 10, ສະເໝີ 5 ແລະ ເສຍ 7 ນັດ ຢູ່ອັນດັບທີ 6 ຂອງຕາຕະລາງ.

7. ສະໂມສອນ ເອັສຣາ ເອັຟຊີ (Ezra FC) ຖືເປັນທີມນ້ອງໃໝ່ທີ່ໜ້າຈັບຕາທີ່ສຸດ ເພາະປີນີ້ ເອັສຣາ ເອັຟຊີ ຄືນສູ່ລີກສູງສຸດຂອງ ສປປ ລາວ ອີກຄັ້ງ ຫຼັງເຄີຍເຂົ້າຮ່ວມຄັ້ງຫຼັງສຸດໃນປີ 2016 ດ້ວຍການຄວ້າອັນດັບທີ 10 ຂອງຕາຕະລາງຈາກ 14 ສະໂມສອນເຂົ້າຮ່ວມ ເຊິ່ງປີນີ້ໄດ້ ທ່ານ Na Byung Soo ມາເປັນຫົວໜ້າຄູຝຶກອີກຄັ້ງ ຫຼັງຜົນງານຫຼ້າສຸດພາ ມາສເຕີ 7 ເອັຟຊີ ຄວ້າຮອງແຊັມລາວລີກ 2019 ກ່ອນຈະຄືນມາສ້າງທີມ ເອັສຣາ ເອັຟຊີ ແລະ ເອີ້ນນັກເຕະທີມຊາດລາວ ຢູ 16 ແລະ 19 ມາຮ່ວມທີມຫຼາຍຄົນ ເຮັດໃຫ້ ເອັສຣາ ເອັຟຊີ ເປັນທີ່ຈັບຕາທີ່ສຸດ, ສ່ວນຜົນງານປີ 2019 ເອັສຣາ ເອັຟຊີ ກວາດແຊັມບານເຕະ ຢູ 15 ແລະ ຢູ 18 ຊີງຂັນ ສຕລ ແນ່ນອນ ເອັສຣາ ເອັຟຊີ ຈະນໍາໃຊ້ນັກເຕະຊຸດດັ່ງກ່າວຮ່ວມຊີງໄຊ.

ສໍາລັບ ການແຂ່ງຂັນບານເຕະ ເປບຊີ ລາວລີກ 1 ລະດູການ 2020 ກໍຈະແຂ່ງຂັນກັນເຖິງ 3 ຮອບ ແບ່ງເປັນແຂ່ງຂັນໃນບ້ານ ແລະ ນອກບ້ານ, ສ່ວນຮອບທີ 3 ແມ່ນຈະວັດກັນທີ່ທີມໄດ້ມີສະຖິຕິດີກວ່າຈາກ 2 ນັດທໍາອິດຈະໄດ້ສິດແຂ່ງຂັນໃນບ້ານຂອງຕົວເອງ, ຂະນະທີ່ ວັນເວລາເປີດການແຂ່ງຂັນແມ່ນຍັງບໍ່ມີກໍານົດ ຈົນກວ່າສະພາບການແຜ່ລະບາດຂອງ ໂຄວິດ-19 ຈະສາມາດຄວບຄຸມ ແລະ ໄດ້ຮັບອະນຸຍາດໃຫ້ແຂ່ງຂັນໄດ້.