ນອຍເອີ ຕໍ່ສັນຍາກັບ ບາເຢິນ ມິວນິກ ຈົນເຖິງປີ 2023

707

ມານູເອລ ນອຍເອີ ຜູ້ຮັກສາປະຕູຕົກລົງຕໍ່ສັນຍາກັບ ບາເຢິນ ມິວນິກ ທີມນໍາຂອງ ບຸນເດສລີກາ ເຢຍລະມັນ ຢ່າງເປັນທາງການໃນທ້າຍອາທິດທີ່ຜ່ານມາ ໂດຍສັນຍາຈະມີໄລຍະເວລາເຖິງເດືອນມິຖຸນາ 2023.

ນອຍເອີ ປັດຈຸບັນອາຍຸ 34 ປີກ່າວວ່າ: “ ຫຼາຍອາທິດຂອງການລ໊ອກດາວ, ຂ້ອຍບໍ່ຕ້ອງການຕັດສິນໃຈ ເພາະບໍ່ມີໃຜຮູ້ວ່າ ບຸນເດສລີກາ ເຢຍລະມັນ ຈະກັບມາແຂ່ງຂັນ ຫຼື ບໍ, ແຕ່ຕອນນີ້ທຸກຢ່າງຊັດເຈນ ແລະ ຂ້ອຍມີຄວາມສຸກກັບ ບາເຢິນ ມິວນິກ ລວມທັງຍັງເປັນສະໂມສອນຊັ້ນນໍາຂອງເອີຣົບ ”.

ສໍາລັບ ນອຍເອີ ເປັນສ່ວນສໍາຄັນພາ ບາເຢິນ ມິວນິກ ຄວ້າແຊັມບຸນເດສລີກາ ເຢຍລະມັນ 7 ສະໄໝ, ເດເອັຟເບ 5 ສະໄໝ ແລະ ຢູຟາ ແຊັມປ້ຽນລີກ 1 ສະໄໝ ນັບຕັ້ງແຕ່ຍ້າຍຈາກ ຊາເກ 04 ເມື່ອປີ 2011, ສ່ວນຜົນງານໃນທີມຊາດ ນອຍເອີ ຕິດທີມຊາດເຢຍລະມັນ ທັງໝົດ 92 ນັດ ເຊິ່ງຢູ່ໃນຊຸດຄວ້າແຊັມບານໂລກ 2014 ທີ່ປະເທດບຣາຊິນ.