ໂຣນັລໂດ ມາຊ້ອມກັບ ຢູເວນຕຸສ ຮຽບຮ້ອຍ ລຸ້ນແຂ່ງໄວໆນີ້

553

ຄຣິສເຕຍໂນ ໂຣນັລໂດ ກອງໜ້າຕົວເກັ່ງຂອງ ຢູເວນຕຸສ ແລະ ເພື່ອນຮ່ວມທີມ ຕ່າງກໍທະຍອຍລົງຊ້ອມເປັນທີ່ຮຽບຮ້ອຍທີ່ປະເທດອິຕາລີ ຫຼັງຈາກທີ່ເດີນທາງມາຈາກ ປ໊ອກຕຸຍການ ເຊັ່ນດຽວກັບ ຈານລຸຍຈິ ບຸຟຟອນ ຜູ້ຮັກສາປະຕູ ແລະ ຄົນອື່ນໆ ເມື່ອວັນທີ 20 ພຶດສະພາ 2020 ຕາມເວລາໃນບ້ານເຮົາ.

ກ່ອນໜ້ານີ້ ມີນັກເຕະຂອງ ຢູເວນຕຸສ ທີ່ຕິດເຊື້ອໂຄວິດ-19 ເຊັ່ນ ເປົາໂລ ດິບາລາ ກັບ ເບລສ໌ ມາຕຸຍດີ ລວມເຖິງລີກຕ້ອງມີການພັກການແຂ່ງຂັນ ເພື່ອຫຼຸດຄວາມສ່ຽງໃນການຕິດເຊື້ອ ເຮັດໃຫ້ນັກເຕະທຸກຄົນ ແລະ ທຸກທີມແຍກຍ້າຍໄປກັກຕົວທີ່ເຮືອນໃຜເຮືອນລາວ.

ສໍາລັບ ການແຂ່ງຂັນບານເຕະ ກັລໂຊ ເຊເຣຍ ອາ ອິຕາລີ ລະດູການ 2019-2020 ທີ່ຍັງຄ້າງຄາ ລັດຖະບານອະຕາລີ ໄດ້ວາງກໍານົດໃຫ້ທຸກທີມກັບມາແຂ່ງຂັນຕໍ່ໄດ້ຫຼັງຈາກວັນທີ 15 ມິຖຸນາ 2020 ພາຍໃຕ້ສະຖານະການເຊື້ອ ໂຄວິດ-19 ບັນເທົາລົງໄປພໍສົມຄວນ ເມື່ອທຽບກັບຕອນທໍາອິດທີ່ມີຜູ້ຕິດເຊື້ອຈໍານວນຫຼວງຫຼາຍ.