ພຣີເມຍລີກ ອັງກິດ ງານເຂົ້າອີກແລ້ວຫຼ້າສຸດ ວັດຟອດ ຢືນຢັນມີ 3 ຄົນໃນທີມຕິດເຊື້ອໂຄວິດ

638

ວັດຟອດ ສະໂມສອນໃນພຣີເມຍລີກ ອັງກິດ ເປີດເຜີຍເມື່ອວັນທີ 19 ພຶດສະພາ 2020 ໃນທີມມີ 3 ຄົນທີ່ກວດພົບວ່າ ຕິດເຊື້ອໂຄວິດ-19 ໃນນັ້ນເປັນນັກເຕະບານ1 ຄົນ ແລະ ຄະນະຄູຝຶກອີກ 2 ຄົນ.

ກ່ອນໜ້ານີ້ ພຣີເມຍລີກ ອັງກິດ ໄດ້ໃຫ້ແຕ່ລະສະໂມສອນກວດຮ່າງກາຍນັກເຕະທັງໝົດ ກ່ອນເປີດເຜີຍວ່າ: ການກວດຮ່າງກາຍໃນເບື້ອງຕົນ 748 ຄົນ ຈາກທັງໝົດ 3 ສະໂມສອນມີນັກເຕະ 6 ຄົນທີ່ຕິດເຊື້ອໂຄວິດ-19 ແຕ່ພວກເຂົາບໍ່ໄດ້ອອກມາເປີດເຜີຍວ່າເປັນທີມໃດແດ່.

ຫຼ້າສຸດ ພຣີເມຍລີກ ອັງກິດ ຕ້ອງພົບບັນຫາອີກຄັ້ງເມື່ອ ວັດຟອດ ຢືນຢັນວ່າ: ມີ 3 ຄົນຂອງທີມທີ່ກວດພົບວ່າຕິດເຊື້ອ ໂຄວິດ-19 ຫຼັງຈາກທີ່ໄດ້ກວດສອບພວກເຂົາທີ່ສະໜາມຊ້ອມຂອງສະໂມສອນຕະຫຼອດ 48 ຊົ່ວໂມງທີ່ຜ່ານມາ ໃນຈໍານວນ 3 ຄົນທີ່ມີຜົນກວດເປັນບວກນັ້ນ ແລະ ຂໍໃຫ້ທຸກຝ່າຍເຄົາລົບຄວາມເປັນສ່ວນຕົວຂອງພວກເຂົາ. ດັ່ງນັ້ນສະໂມສອນບໍ່ຂໍບອກວ່າ 3 ຄົນເປັນໃຜແດ່.