ສະຫະພັນເທັນນິສນາໆຊາດ ສັ່ງຫ້າມຈັດການແຂ່ງຂັນທົ່ວໂລກ ຈົນເຖິງ 31 ກໍລະກົດ

455

ສະຫະພັນເທັນນິສນາໆຊາດ ( ໄອທີເອັຟ ) ປະກາດຂະຫຍາຍເວລາຫ້າມຈັດການແຂ່ງຂັນກີລາເທັນນິສທົ່ວໂລກ ໄປຈົນເຖິງວັນທີ 31 ກໍລະກົດ 2020 ຫຼັງກ່ອນໜ້ານີ້ກໍານົດໄວ້ທີ່ 13 ກໍລະກົດ ເນື່ອງຈາກ ໂຄວິດ-19 ຍັງລະບາດໃນຫຼາຍພື້ນທີ່ທົ່ວໂລກ.

ທ່ານ ເດວິດ ແຮກເກີຕີ້ ປະທານ ສະຫະພັນເທັນນິສນາໆຊາດ ກ່າວວ່າ: ການຕັດສິນໃຈຄັ້ງນີ້ເປັນເລື່ອງຍາກຫຼາຍ, ແຕ່ສຸຂະພາບ ແລະ ຄວາມປອດໄພຂອງທຸກຄົນເປັນເລື່ອງທໍາອິດທີ່ຕ້ອງຄໍານຶງເຖິງ ຫຼັງຈາກທີ່ໄດ້ຕິດຕາມສະຖານະການການແຜ່ລະບາດມາຢ່າງຕໍ່ເນື່ອງ ຈິ່ງໄດ້ປະກາດບໍ່ໃຫ້ມີການແຂ່ງຂັນໄປຈົນເຖິງວັນທີ 31 ກໍລະກົດ 2020 ແລະ ຈະຮ່ວມກັນກັບຝ່າຍຕ່າງ ໃນການປະເມີນສະຖານະການວ່າ ຈະສາມາດກັບມາແຂ່ງຂັນໄດ້ອີກຄັ້ງເມື່ອໃດ.