ເອເອັຟເອັຟ ຢືນຢັນ ຊຸຊູກິຄັບ ແຂ່ງຂັນເດືອນພະຈິກຕາມປົກກະຕິ

598

ສະຫະພັນບານເຕະອາຊຽນ ( ເອເອັຟເອັຟ ) ຢືນຢັນວ່າ: ການແຂ່ງຂັນບານເຕະຊີງແຊັມແຫ່ງຊາດອາຊຽນ ຫຼື ເອເອັຟເອັຟ ຊຸຊູກິ ຄັບ ( AFF SUZUKI CUP ) ຈະດໍາເນີນການແຂ່ງຂັນຕາມປົກກະຕິໃນເດືອນພະຈິກ 2020.

ຫຼັງຈາກການແຜ່ລະບາດຂອງ ໂຄວິດ-19 ເຮັດໃຫ້ການແຂ່ງຂັນບານເຕະລາຍການຕ່າງໆທົ່ວໂລກ ຢຸດສະງັກ. ຢ່າງໃດກໍຕາມ ຫຼ້າສຸດ ສະຫະພັນບານເຕະອາຊຽນ ໄດ້ອອກມາຢືນຢັນວ່າ ການແຂ່ງຂັນບານເຕະ ຊຸຊູກິ ຄັບ ຈະຈັດການແຂ່ງຂັນຕາມກໍານົດໃນເດືອນພະຈິກ 2020 ໂດຍຈະບໍ່ມີການເລື່ອນການແຂ່ງຂັນອອກໄປ.

ສ່ວນການພິຈາລະນາແຂ່ງຂັນລາຍການອື່ນໆ ແມ່ນຢູ່ໃນລະຫວ່າງລໍຄວາມຄືບໜ້າຂອງ ສະຖານະການໆແຜ່ລະບາດຂອງ ໂຄວິດ-19 ຈາກອົງການອະນາໄມໂລກ (World Health Organization – WHO).