ພຣີເມຍລີກ ຢືນຢັນຈະຈັດພິທີສະຫຼອງແຊັມໃຫ້ກັບ ລິເວີພູລ

664

ຣິຊາດ ມາສເຕີ ປະທານບໍລິຫານ ພຣີເມຍລີກ ອັງກິດ ອອກມາຢືນຢັນວ່າ: ສະໜັບສະໜູນໃຫ້ມີການຈັດງານມອບຂັນແຊັມ ພຣີເມຍລີກ ອງັກິດ ໃຫ້ກັບ ລິເວີພູລ ຖ້າຫາກ ລິເວີພູລ ສາມາດໄປເຖິງແຊັມໃນລະດູການນີ້ໄດ້ສໍາເລັດ ແລະ ສາມາດຈັດພິທີມອບຂັນແຊັມໄດ້ຢ່າງປອດໄພ.

ເຖິງວ່າຈະຍັງບໍ່ມີກໍານົດວັນກັບມາແຂ່ງຂັນທີ່ແນ່ນອນ ຫຼັງຈາກທີ່ການແຂ່ງຂັນຖືກລະງັບມາດົນເຖິງ 2 ເດືອນ ເພາະພົບວິກິດການລະບາດຂອງ ໂຄວິດ-19, ປັດຈຸບັນ ລິເວີພູລ ຢຶດຕໍາແໜ່ງທີມນໍາຂອງຕາຕະລາງຄະແນນລວມຂອງ ພຣີເມຍລີກ ໂດຍມີຄະແນນໜີຫ່າງອັນດັບ 2 ຢ່າງ ແມນເຊັສເຕີ ຊິຕີ້ ເຖິງ 25 ຄະແນນ, ເຊິ່ງຂໍພຽງຊະນະອີກ 2 ນັດຈາກທັງໝົດທີ່ເຫຼືອ 9 ນັດກໍຈະເປັນແຊັມທັນທີ ແລະ ເປັນແຊັມຄັ້ງທໍາອິດໃນຮອບ 30 ປີຂອງ ລິເວີພູລ.

ສະຖານະການປັດຈຸບັນຂອງ ພຣີເມຍລີກ ອັງກິດ ທຸກໆສະໂມສອນຫາກໍໄດ້ຮັບອະນຸຍາດໃຫ້ນັກເຕະລົງຊ້ອມເປັນທີມໄດ້ແລ້ວ ນັບຕັ້ງແຕ່ວັນອັງຄານທີ 19 ພຶດສະພາ 2020 ເປັນຕົ້ນໄປ.