ຊິສເຊ ເລັ່ງຫວນຄືນວົງການບານເຕະໄລ່ລ່າໃຫ້ຄົບປະຕູທີ 100 ໃນອາຊີບ

490

ດະຈິບຣິລ ຊິສເຊ ( DjibrilCisse )ອະດີດກອງໜ້າຂອງ ລິເວີພູລ ຕ້ອງການກັບມາເປັນນັກເຕະອາຊີບອີກຄັ້ງ ເພື່ອໄລ່ລ່າສະຖິຕິຍິງໃຫ້ຄົບ 100 ປະຕູ ໃນການແຂ່ງຂັນລີກເອິງ ຝຣັ່ງ ຫຼັງຈາກທີ່ປະກາດອໍາລາອາຊີບໄປເມື່ອປີ 2015.

ຊິສເຊ ປັດຈຸບັນອາຍຸ 38 ປີຕິດທີມຊາດຝຣັ່ງ 41 ຄັ້ງເປັນສ່ວນໜຶ່ງພາທີມຊາດຄວ້າແຊັມ ຟີຟາ ຄອນເຟເດີເຣຊັນສ໌ ຄັນ 2003, ສ່ວນຜົນງານໃນສະໂມສອນເປັນສ່ວນໜຶ່ງພາ ລິເວີພູລ ຄວ້າແຊັມຢູຟາ ແຊັມປ້ຽນລີກ, ເອັຟເອ ຄັບ ແລະ ຢູຟາ ຊູເປີ ຄັບ.

ສໍາລັບ ຊິສເຊ ຍິງປະຕູໄປແລ້ວ 96 ປະຕູສະເພາະໃນລີກເອິງ ຝຣັ່ງ ທີ່ເຄີຍຫຼິ້ນໃຫ້ກັບ 3 ສະໂມສອນໄດ້ແກ່ ໂອແຊຣ໌, ໂອລິມປິກ ມາກເຊຍ ແລະ ບາສເຕຍ ກ່ອນປະກາດອໍາລາອາຊີບບານເຕະໃນປີ 2015.

ຫຼ້າສຸດ ຊິສເຊ ເປີດເຜີຍວ່າ: “ ຕອນທໍາອິດມັນເບິ່ງຄືເປັນເລື່ອງຕະຫຼົກ, ແຕ່ພໍດົນໆໄປມັນກາຍເປັນຄວາມຢາກເຮັດ, ຂ້ອຍບອກສະເໝີວ່າ ການສ້າງສະຖິຕິຍິງ 100 ປະຕູ ຄືສິ່ງທີ່ສໍາຄັນສໍາລັບຂ້ອຍ, ເຊິ່ງຂາດພຽງ 4 ປະຕູ, ແຕ່ສິ່ງນັ້ນເຮັດໃຫ້ຂ້ອຍກະວົນກະວາຍ ຖ້າຫາກມັນບໍ່ສໍາ ແນ່ນອນຂ້ອຍຈະບໍ່ມີມື້ເປັນສຸກຖ້າຫາກບໍ່ໄດ້ພະຍາຍາມເຮັດຈັກຄັ້ງ ”.