ຢູເອັຟຊີ ເປີດກວ້າງຈັດຖະແຫຼງຂ່າວກ່ອນແຂ່ງແບບອອນລາຍ ພ້ອມສູ່ກົດຮັກສາໄລຍະຫ່າງທາງສັງຄົມ

636

ກ່ອນໜ້ານີ້ ສະຖາບັນສີລະປະການຕໍ່ສູ້ແບບປະສົມປະສານ ( ຢູເອັຟຊີ ຫຼື UFC ) ປັບປ່ຽນງານຖະແຫຼງຂ່າວກ່ອນການແຂ່ງຂັນກີລາການຕໍ່ສູ້ແບບປະສົມປະສານ ໃຫ້ເປັນຮູບແບບອອນລາຍ ເປີດໃຫ້ສື່ມວນຊົນເຂົ້າຮ່ວມໄດ້ຈາກທົ່ວທຸກມູມໂລກ.

ດັ່ງທີ່ຮູ້ໄລນະນີ້ແມ່ນໄດ້ຮັບຜົນກະທົບຈາກ ໂຄວິດ-19 ເຖິງວ່າການແຂ່ງຂັນກີລາດັ່ງກ່າວຈະຍັງບໍ່ສາມາດເກີດຂຶ້ນໄດ້ໃນບາງພື້ນທີ່ກໍຕາມ ແຕ່ກໍມີຄວາມຈໍາເປັນທີ່ຈະຕ້ອງຫຼຸດປັດໃຈສ່ຽງອື່ນໆໃຫ້ໜ້ອຍທີ່ສຸດ ເຊິ່ງງານຖະແຫຼງຂ່າວກໍຄືໜຶ່ງໃນນັ້ນ.

ຫຼ້າສຸດ ຢູເອັຟຊີ ກຽມກັບມາຈັດການແຂ່ງຂັນອີກຄັ້ງ ຫຼັງຢຸດໄປຫຼາຍເດືອນ ແລະ ໄດ້ວາງແຜນຈັດຮູບແບບງານຖະແຫຼງຂ່າວກ່ອນການແຂ່ງຂັນ ໂດຍເປັນການຈັດໃນສະຖານທີ່ປິດ, ບໍ່ອະນຸຍາດໃຫ້ສື່ມວນຊົນເຂົ້າຮ່ວມງານ, ແຕ່ເພື່ອໃຫ້ງານດໍາເນີນໄປໄດ້ປົກກະຕິ ຈິ່ງປັບຮູບແບບເປັນງານຖະແຫຼງຂ່າງແບບອອນລາຍ ເຊິ່ງນັກຂ່າວສານມາດເຂົ້າໄປລົງທະບຽນໄດ້ຜ່ານ WebEx ເວັບໄຊທ໌ ແລະ ແອັບພລີເຄຊັນ ສໍາລັບການຖະແຫຼງຂ່າວອອນລາຍ ແລະ ເມື່ອເຖິງເວລາເລີ່ມງານ ກໍສາມາດເຂົ້າສູ່ລະບົບໄປພັງ ແລະ ຖາມນັກກີລາໄດ້ແບບສົດໆ.

ເຊິ່ງນັກກີລາຈະມີເວລາໃນການຕອບຄໍາຖາມສື່ມວນຊົນ ຜູ້ລະ 15 ນາທີ ເຊິ່ງຈະເປັນການເຂົ້າມາໃຫ້ສໍາພາດເທື່ອລະຄົນ ແລະ ຈະມີການສະລັບຄິວ ບໍ່ໃຫ້ນັກກີລາທີ່ມີລາຍການພົບກັນຕ້ອງມາພົບກັນ ຖືເປັນການຫຼີກລ່ຽງຄວາມສ່ຽງທີ່ຈະເກີດນອກເກມ ພ້ອມທັງຍັງຮັກສາໄລຍະຫ່າງທາງສັງຄົມ ( Social Distancing ) ອີກດ້ວຍ.