ເລວານດອຟສະກີ້ – ເປຣິຊິຊ ຮ່າງກາຍກັບມາສົມບູນລຸ້ນຄືນສະໜາມນັດທໍາອິດທ້າຍອາທິດນີ້

513

ໂຣເບິດ ເລວານດອຟສະກີ້ ກອງໜ້າຊາວໂປໂລຍ ແລະ ອີວານ ເປຣິຊິຊ ກອງໜ້າຊາວໂຄຼອາຊີ ຮ່າງກາຍກັບມາສົມບູນພ້ອມທີ່ຈະລົງສະໜາມຊ່ວຍ ບາເຢິນ ມິວນິກ ໃນການແຂ່ງຂັນບານເຕະບຸນເດສລີກາ ເຢຍລະມັນ ທີ່ຈະກັບມາແຂ່ງຂັນຕໍ່ໃນນັດທີ່ຈະບຸກໄປຢາມ ອູນິໂອນ ເບີລິນ ໃນວັນອາທິດທີ 17 ພຶດສະພາ 2020 ຕາມການລາຍງານຂອງ ຄິກເກີ ສື່ໃນປະເທດເຢຍລະມັນ.

ເລວານດອຟສະກີ ໄດ້ຮັບບາດເຈັບກະດູກໜ້າແຂ້ງຈາກ ຢູຟາ ແຊັມປ້ຽນລີກ ໃນນັດທີ່ ບາເຢິນ ມິວນິກ ບຸກເອົາຊະນະ ເຊລຊີ 3-0 ເມື່ອເດືອນກຸມພາ ທີ່ຜ່ານມາ, ສ່ວນ ເປຣິຊິຊ ປັດຈຸບັນຍັງຢູ່ໃນສັນຍາຢືມຕົວຈາກ ອິນເຕີ ມິລານ ພັກແຂ່ງມາຕັ້ງແຕ່ຕົ້ນເດືອນກຸມພາ ເພາະເຈັບຂໍ້ຕີນ ຫຼ້າສຸດ ທັງສອງກັບມາຊ້ອມໄດ້ປົກກະຕິແລ້ວ ເມື່ອວັນຈັນທີ 11 ພຶດສະພາ 2020 ແລະ ພ້ອມທີ່ຈະລົງສະໜາມຊ່ວຍ ບາເຢິນ ມິວນິກ ໃນນັດທ້າຍອາທິດນີ້.

ສໍາລັບ ບາເຢິນ ມິວນິກ ຢຶດຕໍາແໜ່ງທີມນໍາຂອງຕາຕະລາງຄະແນນລວມ ບຸນເດສລີກາ ເຢຍລະມັນ ໂດຍມີ 55 ຄະແນນຈາກ 25 ນັດໂດຍນໍາ ໂບຣຸສເຊຍ ດ໊ອດມູນ ທີມອັນດັບ 2 ຢູ່ພຽງ 4 ຄະແນນ.