ພຣີເມຍລີກ ອັງກິດ ງານເຂົ້າອີກຄັ້ງເມື່ອນັກເຕະຂອງ ໄບຣຕັນ ຄົນທີ 3 ຕິດໂຄວິດ

555

ສົ່ງສັນຍາວ່າ ພຣີເມຍລີກ ອັງກິດ ກັບມາແຂ່ງລໍາບາກ ເມື່ອຫຼ້າສຸດ ທ່ານ ພອລ ບາເບີ ປະທານສະໂມສອນຂອງ ໄບຣຕັນ ທີມໃນພຣີເມຍລີກ ອັງກິດ ຢືນຢັນວ່າ: ມີນັກເຕະຂອງທີມຕິດເຊື້ອຈຸລະໂລກ ໂຄວິດ-19 ເປັນຄົນທີ 3 ແລ້ວ ຫຼັງກ່ອນໜ້ານີ້ມີນັກເຕະຕິດເຊື້ອໄປແລ້ວ 2 ຄົນນັບຕັ້ງແຕ່ເດືອນມີນາ ທີ່ຜ່ານມາ.

ປະທານສະໂມສອນດັ່ງກ່າວ ເປີດເຜີຍກັບ ສະກາຍ ສະປອດສ໌ ໃນວັນອາທິດທີ 10 ພຶດສະພາ ທີ່ຜ່ານມາ ວ່າ: ມັນເປັນເລື່ອງທີ່ໜ້າກັງວົນ, ເຄາະຮ້າຍທີ່ພວກເຮົາມີນັກເຕະຄົນທີ 3 ທີ່ຜົນກວດອອກມາເປັນບວກ ເຖິງພວກເຮົາຈະໃສ່ມາດຕະການທຸກຢ່າງໃນ 2-3 ອາທິດ ທີ່ຜ່ານມາ ໂດຍນັກເຕະບໍ່ໄດ້ມີສ່ວນຮ່ວມກັບການຊ້ອມໃດໆ ແຕ່ກໍຍັງມີນັກເຕະ 1 ຄົນຫຼ້າສຸດທີ່ຜົນກວດອອກມາເປັນບວກ.

“ ດັ່ງນັ້ນ ຈຶ່ງເປັນເລື່ອງທີ່ຕ້ອງກັນວົງ, ຂ້ອຍຄິດວ່າມັນເປັນເລື່ອງປົກກະຕິທີ່ທຸກສະໂມສອນຈະມີຄວາມກັງວົນໃນເລື່ອງເຫຼົ່ານີ້, ພວກເຮົາຕ້ອງການເຮັດໃຫ້ແນ່ໃຈວ່າ, ພວກເຮົາເຮັດທຸກຢ່າງໃຫ້ມີຄວາມປອດໄພ, ພວກເຮົາໄດ້ສອບຖາມ ພຣີເມຍລີກ ເຖິງເລື່ອງແຜນການທີ່ສົມບູນແບບ ສໍາລັບຂຶ້ນຕອນທຸກຢ່າງຂອງການກັບມາຫຼິ້ນຕໍ່ ” ປະທານສະໂມສອນຂອງ ໄບຣຕັນ ກ່າວ.