ພູມາ ເລັ່ງເປົ້າດຶງ ສະເຕີລິງ ມານໍາໃຊ້ຜະລິດຕະພັນຂອງຕົນດ້ວຍສັນຍາ 100 ລ້ານປອນ

477

ຣາຮືມ ສະເຕີລິງ ກອງໜ້າຂອງ ແມນເຊັສເຕີ ຊິຕີ້ ກຽມຈະໄດ້ຜູ້ສະໜັບສະໜູນໃໝ່ ພ້ອມກັບເງິນກ້ອນໃຫຍ່ຫຼັງຈາກ ພູມາ ຫຍີ່ຫໍ່ຜະລິດຕະພັນກີລາລະດັບໂລກ ຕ້ອງການສະໜັບສະໜູນນັກເຕະຄົນດັ່ງກ່າວ.

ປັດຈຸບັນ ສະເຕີລິງ ນໍາໃຊ້ຜະລິດຕະພັນຂອງ ໄນກີ້ ເປັນຜູ້ສະໜັບສະໜູນ ແຕ່ສັນຍາຈະໝົດລົງໃນວັນທີ 30 ມິຖຸນາ 2020 ເຮັດໃຫ້ ສະເຕີລິງ ທີ່ໂດດເດັ່ນໃນສະໜາມ ເປັນທີ່ສົນໃຈຂອງຜະລິດຕະພັນອື່ນໆເຊັ່ນ ອະດິດາສ, ນິວ ບາລານຊ໌ ແລະ ອັນເດີ ອາເມີ.

ພິເສດກໍແມ່ນ ພູມາ ໂດຍ ສະກາຍ ສະປອດ ສື່ຊັ້ນນໍາຂອງໂລກລາຍງານວ່າ: ພູມາ ຍິນດີຈ່າຍເຖິງ 100 ລ້ານປອນ ສໍາລັບດຶງ ສະເຕີລິງ ມານໍາໃຊ້ຜະລິດຕະພັນຂອງຕົນ.

ສໍາລັບ ພູມາ ເປັນຜູ້ສະໜັບສະໜູນຂອງນັກເຕະ ແມນເຊັສເຕີ ຊິຕີ້ ຫຼາຍຄົນ ເປັນຕົ້ນແມ່ນ ເຊຄິໂອ ອະເກວໂຣ, ດາບິດ ຊິລບາ, ໂອເລັກຊານເດີ ຊິນເຊນໂກ ແລະ ເປບ ກວາດິໂອລາ ຜູ້ຈັດການທີມອີກດ້ວຍ.