ພຣີເມຍລີກ ອັງກິດ ກໍານົດແຂ່ງ 12 ມິຖູນາ ເລືອກ 3 ສະໜາມເປັນສະໜາມກາງສໍາລັບແຂ່ງ

484

ການແຂ່ງຂັນບານເຕະ ພຣີເມຍລີກ ອັງກິດ ຈະແຂ່ງຂັນຕໍ່ລະດູການ 2019-2020 ທີ່ສະໜາມກາງທົ່ວປະເທດ ຫຼັງລັດຖະບານອະນຸຍາດໃຫ້ແຂ່ງຂັນໄດ້ ຈາກການຢືນຢັນໃນການປະຊຸມດ້ວຍລະບົບວິດີໂອ ຄອນເຟີເຣນຊ໌ ຂອງ 20 ສະໂມສອນໃນທ້າຍອາທນິດ ທີ່ຜ່ານມາ.

ເຊິ່ງການປະຊຸມຕົກລົງໃຫ້ທຸກສະໂມສອນສາມາດເອີ້ນນັກເຕະເຂົ້າຝຶກຊ້ອມ ພາຍໃນວັນທີ 18 ພຶດສະພາ 2020 ແລະ ແຂ່ງຂັນນັດທໍາອິດໃນວັນທີ 12 ມິຖຸນາ 2020 ໂດຍບໍ່ອະນຸຍາດໃຫ້ແຟນບານເຂົ້າຊົມການແຂ່ງຂັນໄດ້ ລວມທັງຍັງກໍານົດສະໜາມກາງສາລັບແຂ່ງຂັນໄວ້ລຸ່ມນີ້:

ລອນດອນ ສະເຕດ້ຽມ ສະໜາມໃນບ້ານຂອງ ເວັສແຮມ ຢູໄນເຕັດ, ເອມິເຣດສ໌ ສະເຕດ້ຽມ ສະໜາມຂອງ ອາເຊນອລ ແລະ ເອຕິຮັດສະເຕດ້ຽມ ຂອງແມນເຊັສເຕີ ຊິຕີ້ ເປັນສະໜາມກາງສໍາລັບການແຂ່ງຂັນ ຂະນະທີ່ຍັງກໍານົດວ່າສະໂມສອນເຈົ້າຂອງສະໜາມຈະໝົດສິດລົງແຂ່ງຂັນໃນບ້ານຂອງຕົວເອງ ເພື່ອຄວາມຍຸຕິທໍາ.