ອອກມາແລ້ວ ບານເຕະ ລາວລີກ 2 ມີ 12 ທີມເຂົ້າຮ່ວມຊີງໄຊໃນປີນີ້

564

ການແຂ່ງຂັນບານເຕະ ຄອມມານໂດ ລາວລີກ 2 ໃນປີ 2020 ມີ ທີມເຂົ້າຮ່ວມທັງຫມົດ 12 ທີມຄື ເຄວສ ຢູໄນເຕັດ, ທຣີນີຕີ ເອັຟຊີ, ແຄນລາວ ຢູໄນເຕັດ, ເອັສອີຊີ ຢູໄນເຕັດ, ເຄພີເອັສ ເອັຟຊີ, ລາວທ໋ອບ ເອັຟຊີ, ນະຄອນຫລວງ ເອັຟຊີ, ບີແຄນ ຢູໄນເຕັດ, ເຮັສບີທີ 941 ເອັຟຊີ, ກອງທັບ ເອັຟຊີ, ວຽງຈັນ ຢູໄນເຕັດ ແລະ ປະສານໃຈ ເອັຟຊີ

ສຳລັບການແຂ່ງຂັນບານເຕະ ຄອມມານໂດ ລາວລີກ 2 ໃນປີນີ້ ສະຫະພັນບານເຕະແຫ່ງຊາດລາວ ບໍ່ອະນຸຍາດໃຫ້ ສະໂມສອນໃນການແຂ່ງຂັນ ເປບຊີ ລາວລີກ 1 ປະຈໍາປີ 2020 ບໍ່ສາມາດສົ່ງທີມສຳຮອງ ຫຼື ທີມສອງ ຂອງສະໂມສອນເຂົ້າຮ່ວມແຂ່ງຂັນ ຄອມມານໂດ ລາວລີກ 2 ປະຈຳປີ 2020. ແຕ່ສາມາດສົ່ງເຂົ້າຮ່ວມການແຂ່ງຂັນເຍົາວະຊົນຊີງຂັນ ສຕລ ລຸ້ນ ອາຍຸບໍ່ເກີນ 15 ແລະ 18 ປີໄດ້.

ພ້ອມກັນກໍເພື່ອເປັນການສ້າງໃຫ້ ຄອມມານໂດ ລາວລີກ 2 ມີຄວາມຫຼາກຫຼາຍດ້ານສະໂມສອນ ແລະ ມີການເຂົ້າຮ່ວມຂອງສະໂມສອນໃໝ່ຫຼາຍຂື້ນ ລວມທັງນັກກິລາໜ້າໃໝ່ໃນການແຂ່ງຂັນ ເພື່ອເປັນການຫຼຸດພາລະດ້ານງົບປະມານຂອງສະໂມສອນໃນການແຂ່ງຂັນ.
ທີມທີ່ໄດ້ຮັບລາງວັນຊະນະເລີດ ການແຂ່ງຂັນບານເຕະ ຄອມມານໂດ ລາວລີກ 2 ປະຈຳປີ 2020 ແມ່ນຈະໄດ້ສິດເລື່ອນຊັ້ນເຂົ້າຮ່ວມການແຂ່ງຂັນ ເປບຊີ ລາວລີກ 1 ປະຈຳປີ 2021

ການແຂ່ງຂັນບານເຕະ ຄອມມານໂດ ລາວລີກ 2 ປະຈຳປີ 2020 ຈະເລື່ອນມື້ເປີດການແຂ່ງຂັນຕາມກຳນົດເວລາເດີມໃນວັນທີ 02 ພຶດສະພາ 2020 ອອກໄປຈົນກວ່າອອກໄປຈົນກວ່າສະພາບການລະບາດຂອງພະຍາດ COVID-19 ຈະຢຸດຕິ ແລະ ສະພາບການກັບສູ່ພາວະປົກກະຕິ.
ທີ່ມາ: Lao League 2