ການແຂ່ງຂັນລົດສູດໜຶ່ງ 2020 ຫຼ້າສຸດປະກາດເລື່ອນເປັນສະໜາມທີ 10 ແລ້ວ

638
F1 driver Max Verstappen of The Netherlands drives his car through one of the two banked corners during a test and official presentation of the renovated F1 track in the beachside resort of Zandvoort, western Netherlands, Wednesday, March 4, 2020. (AP Photo/Peter Dejong)

ການແຂ່ງຂັນລົດສູດໜຶ່ງ ຟໍຣມູລ່າວັນ (Formula 1) ປະຈຳປີ 2020 ທີ່ສະໜາມ Circuit Paul Ricard ປະເທດຝຣັ່ງ ກຽມເລື່ອນການແຂ່ງຂັນເປັນສະໜາມທີ 10 ຕາມຕາຕະລາງການແຂ່ງຂັນ F1 ໃນປີນີ້ ເນື່ອງຈາກຜົນກະທົບຂອງພະຍາດ ໂຄວິດ-19.

ທ່ານ ເອັມມານູເອວ ມາຄຣົງ ປະທານາທິບໍດີຝຣັ່ງ ທີ່ໄດ້ປະກາດໃນວັນທີ 13 ເມສາຜ່ານມາວ່າ: ” ທຸກງານຊຸມນຸມສາທາລະນະບໍ່ວ່າດ້ານໃດກໍ່ຕາມ ຫ້າມຈັດງານຈົນກວ່າຈະຜ່ານພົ້ນເດືອນມິຖຸນາ ຫາກາງເດືອນກໍລະກົດປີນີ້ ເພື່ອປ້ອງກັນການຕິດເຊື້ອໂຄວິດ-19 ”.

ເຮັດໃຫ້ການແຂ່ງຂັນລົດສູດໜຶ່ງ ຟໍຣມູລ່າວັນ ລາຍການ French Grand Prix 2020 ຕ້ອງເລື່ອນອອກໄປ ຊຶ່ງຕາມກຳນົດເກົ່າແມ່ນຈະແຂ່ງຂັນໃນວັນທີ 28 ມິຖຸນາ, ເຮັດໃຫ້ French Grand Prix 2020 ກາຍເປັນລາຍການທີ 10 ໃນປີນີ້ທີ່ປະກາດເລື່ອນແຂ່ງຂັນ ຕໍ່ຈາກຢູ່ປະເທດບາເຣນ, ຈີນ, ຫວຽດນາມ, ໂຮນລັງ, ແອັສປາຍ, ອາເຊີໄບຈັນ ແລະ ການາດ້າ, ສ່ວນຢູ່ອົດສະຕຣາລີ ແລະ ໂມນາໂຄ ປະກາດຍົກເລີກການແຂ່ງຂັນ.