ວິໄລພອນ ແພງຊະນະ ກອງຫຼັງດາວເດັ່ນທີມຊາດລາວ ກຽມຫຼິ້ນໃຫ້ຊຸດໃຫຍ່ຄັ້ງທໍາອິດ

615

ນາງ ວິໄລພອນ ແພງຊະນະ ( ກະຕ່າຍ ) ກາຍເປັນທີ່ຮູ້ຈັກ ໃນການແຂ່ງຂັນບານເຕະຍິງຊີງແຊັມອາຊຽນ ຮຸ່ນອາຍຸບໍ່ເກີນ 15 ປີ ເມື່ອປີ 2017 ແລະ ການແຂ່ງຂັນບານເຕະຊີງແຊັມອາຊີ ຮຸ່ນອາຍຸບໍ່ເກີນ 16 ປີ ຮອບຄັດເລືອກ ປີ 2019 ທີ່ ສປປລາວ ເປັນເຈົ້າພາບ ເຊິ່ງໄລຍະນີແມ່ນບໍ່ມີການເຄື່ອນໄຫວ ເນື່ອງຈາກຢຸດພັກເພື່ອເປັນການປ້ອງກັນ ໂຄວິດ-19. ດັ່ງນັ້ນ ມື້ນີ້ຈິ່ງພາມາຮູ້ຈັກກັບນັກເຕະຄົນດັ່ງກ່າວ

ວິໄລພອນ ເລົ່າວ່າ: ເລີ່ມຫຼິ້ນກີລາບານເຕະນັບຕັ້ງແຕ່ອາຍຸ 11 ປີ ແລະ ໄດ້ເຂົ້າຮ່ວມກິດຈະກຳທີ່ ສະຫະພັນບານເຕະແຫ່ງຊາດລາວ ຈັດຂຶ້ນໃນແຕ່ປີໂດຍສະເພາະແມ່ນວັນແມ່ຍິງສາກົນ, ສຳລັບ ແຮງບັນດານໃຈມາຈາກຕົນເອງມັກກີລາບານເຕະ ແລະ ຄອບຄົວໃຫ້ການສະໜູນສະຫນູນຕະຫຼອດ ແລະ ມີຄວາມໄຝ່ຝັນຢາກຕິດທີມຊາດແຕ່ນ້ອຍ ມີໄອດໍ້ໃນດວງໃຈ ກໍຄື ເຊີຈິໂອ ຣາມອສ ( SERGIO RAMOS ) ກອງຫຼັງທີມຊາດສະເປນ.

ສໍາລັບ ວິໄລພອນ ແພງຊະນະ ເກີດວັນທີ 4 ມັງກອນ 2004 ທີ່ນະຄອນຫຼວງວຽງຈັນ ລວງສູງ 165 ຊັງຕີແມັດ, ນ້ຳໜັກ 55 ກິໂລກຣາມ, ຫຼິ້ນກອງຫຼັງ ແລະ ປັດຈຸບັນກຳລັງຮຽນຢູ່ ມສ ໂພນທັນ ຊັ້ນ ມ 6, ເຄີຍຕິດທີມຊາດ: ຢູ 14, 15, 16, 17, 19 ແລະ ປັດຈຸບັນເກັບຕົວກັບທີມຊາດຍິງຊຸດໃຫຍ່ ເພື່ອກຽມລຸຍລາຍການຊີງແຊັມອາຊີ 2020 ຄັ້ງທໍາອິດ, ສ່ວນຕົ້ນສັງກັດປັດຈຸບັນແມ່ນ ສະໂມສອນ ນະຄອນຫຼວງ ຫຼັງເຄີຍເປັນນັກເຕະເຍົາວະຊົນຂອງ ເມືອງມະນີ ເອັຟຊີ.

ສ່ວນຜົນງານທີ່ພົ້ນເດັ່ນກັບທີມຊາດລາວ ປະກອບມີ:
– 2017 Jockey’s Club Girls’ International Youth Invitational Football Tournament U14 ຢູ່ທີ່ ຮົງກົງ ໄດ້ອັນດັບ 3.

– 2018 AFF U16 GIRLS’ CHAMPIONSHIP 2018 ຢູ່ທີ່່ປະເທດອິນໂດເນເຊຍ ໄດ້ອັນດັບ 4
– 2019 Jockey’s Club Girls’ International Youth Invitational Football Tournament U17 ຢູ່ທີ່ ຮົງກົງ ໄດ້ອັນດັບ 1.
– 2019 Bangamata U-19 Women’s International Gold Cup 2019 ຢູ່ປະເທດບັງກະລາເທດ ໄດ້ອັນດັບ 1 ຮ່ວມ
– 2019 AFF U15 GIRLS’ CHAMPIONSHIP 2019 ຢູ່ທີ່ປະເທດໄທ ໄດ້ອັນດັບ 2.
(ຂໍ້ມູນ-ຮູບຈາກ: ສະຫະພັນບານເຕະແຫ່ງຊາດລາວ)