ເອເອັຟຊີ – ເອເອັຟເອັຟ ເປີດປະຕິທິນໃໝ່ສໍາລັບລາຍການໃຫຍ່ 2020 ໄວ້ໃຈຈັດທີ່ປະເທດໄທ

645

ຈາກການແຜ່ລະບາດຂອງເຊື້ອຈຸລະໂລກສາຍພັນໃໝ່ ໂຄວິດ-19 ເຮັດໃຫ້ສະຫະພັນບານເຕະອາຊີ (ເອເອັຟຊີ) ແລະ ສະຫະພັນບານເຕະອາຊຽນ (ເອເອັຟເອັຟ) ຕ້ອງປັບປ່ຽນຕາຕະລາງການແຂ່ງຂັນຫຼາຍລາຍການໃຫ້ເໝາະສົມບໍ່ວ່າຈະເປັນການແຂ່ງຂັນກີລາຟຸດຊໍ ແລະ ບານເຕະ ຫຼ້າສຸດປະກາດອອກມາຢ່າງເປັນທາງການໃນທ້າຍອາທິດທີ່ຜ່ານມາດັ່ງນີ້:

– ການແຂ່ງຂັນຟຸດຊໍ ຊີງແຊັມອາຊຽນ ເລື່ອນການແຂ່ງຂັນອອກໄປແຂ່ງຂັນລະຫວ່າງວັນທີ 25-31 ມັງກອນ 2021 ຍັງກໍານົດສະໜາມບໍ່ໄດ້ທີ່ປະເທດໄທ.
– ການແຂ່ງຂັນຟຸດຊໍ ຊີງແຊ້ມສະໂມສອນອາຊຽນ 2020 ຈະແຂ່ງຂັນລະຫວ່າງວັນທີ 2-7 ທັນວາ 2020 ທີ່ເທີມິນອລ 21 ຈັງຫວັດນະຄອນຣາດຊະສີມາ ປະເທດໄທ.
– ການແຂ່ງຂັນບານເຕະຫາດຊາຍ ຊີງແຊັມອາຊຽນ 2020 ກໍານົດແຂ່ງຂັນລະຫວ່າງວັນທີ 4-8 ພະຈິກ 2020 ທີ່ຈັງຫວັດພັດທະລຸງ ປະເທດໄທ.

– ການແຂ່ງຂັນບານເຕະຫາດຊາຍ ຊີງແຊ້ມອາຊີກໍານົດແຂ່ງ່ຂັນລະຫວ່າງວັນທີ 18-28 ມີນາ 2021 ທີ່ຈັງຫວັດຊົນບູຣີ ປະເທດໄທ.
-ຂະນະດຽວກັນທາງເອເອັຟຊີ ໄດ້ມີການແຈ້ງເລື່ອນການແຂ່ງຂັນຟຸດຊໍຊີງແຊັມອາຊີ 2020 ທີ່ປະເທດກູເວດ ອອກໄປແບບບໍ່ມີກໍານົດຈາກປົກກະຕິທີ່ຈະຈັດການແຂ່ງຂັນລະຫວ່າງວັນທີ 2-12 ກໍລະກົດ 2020.