ສະໜາມແຂ່ງເທັນນິສລາຍການໃຫຍ່ ຢູເອັສ ໂອເພັນ ປັບປຸງເປັນໂຮງໝໍຊົ່ວຄາວ

588

ບິລລີ ຍິນສ໌ ຄິງ ເນຊັນແນລ ເທັນນິສ ເຊັນເຕີ ເຊິ່ງເປັນສະໜາມຈັດການແຂ່ງຂັນເທັນນິສແກຣນສະແລມລາຍການສຸດທ້າຍຂອງປີລາຍການ ຢູເອັສ ໂອເພັນ ໃນນິວຢອກ ສະຫະລັດອາເມຣິກາ ຖືກປັບປ່ຽນໃຫ້ເປັນໂຮງໝໍສະໜາມ ເພື່ອຮັບມືກັບສະພາບການແຜ່ລະບາດຂອງ ໂຄວິດ-19 ໃນລັດນິວຢອກ.

ສະໜາມກີລາແຫ່ງນີ້ສາມາດຮອງຮັບຜູ້ປ່ວຍໄດ້ຢ່າງໜ້ອຍ 350 ຕຽງ ໂດຍເລີ່ມຕົ້ນອາທິດໜ້າທາງການຂອງນິວຢອກຈະໃຊ້ພື້ນທີ່ນີ້ສໍາລັບຮອງຮັບຜູ້ຕິດເຊື້ອທີ່ມີອາການເບົາ ເພື່ອຊ່ວຍຫຼຸດຄວາມໜາແໜ້ນຂອງໂຮງໝໍ Elmhurst ໃນນິວຢອກ ເຊິ່ງເປັນສຸນກາງການແຜ່ລະບາດ.

ສໍາລັບພື້ນທີ່ຕ່າງໆພາຍໃນສະໜາມຈະຖືກປັບປຸງເພື່ອໃຊ້ງານຢ່າງຮີບດ່ວນ ສໍາລັບການຮັບມືກັບ ໂຄວິດ-19 ເລີ່ມຈາກສະໜາມຊ້ອມ ອິນດໍ ຈະປັບໃຫ້ເປັນພື້ນສໍາລັບຕຽງຄົນຈັບ 350 ຕຽງ ແລະ ຫຼຸຍສ໌ ອາມສະຕຣອງ ສະເຕດ້ຽມ ຈະເປັນສູນກາງຈັດກຽມອາຫານ 25.000 ຊຸດຕໍ່ມື້.