ເມສຊີ ນໍາເພື່ອນຮ່ວມທີມຫຼຸດຄ່າເມື່ອຍລົງເຫຼືອ 70% ຊ່ວຍ ບາເຊໂລນາ ສູ້ກັບໂຄວິດ

515

ລິໂອເນລ ເມສຊີ ນັກເຕະທີ່ມີຊື່ສຽງຂອງ ບາເຊໂລນາ ປະກາດໃນຖານະນັກເຕະຫົວໜ້າທີມຂອງ ບາເຊໂລນາ ວ່າ: ນັກເຕະຂອງ ບາເຊໂລນາ ພ້ອມໃຈກັນຫຼຸດຄ່າເມື່ອຍລົງເຫຼືອ 70% ແລະ ໃຫ້ການຊ່ວຍເຫຼືອໃນສ່ວນອື່ນໆ ເພື່ອໃຫ້ພະນັກງານຂອງສະໂມສອນ ຍັງໄດ້ຮັບຄ່າຈ້າງຕາມປົກກະຕິ.

ເມສຊີ ປະກາດວ່າ: ເຖິງເວລາແລ້ວທີ່ພວກເຮົາຈະຫຼຸດເງິນເດືອນລົງ 70% ໃນໄລຍະສະຖານະການສຸກເສີນນີ້ ພວກເຮົາກໍາລັງໃຫ້ການຊ່ວຍເຫຼືອ ເພື່ອທີ່ພະນັກງານຂອງສະໂມສອນທັງໝົດ ສາມາດໄດ້ຮັບເງິນເດືອນຂອງພວກເຂົາໄດ້ເຕັມ 100%

” ພວກເຮົາຂໍສົ່ງຄວາມປາດຖະໜ້າດີ ແລະ ຂໍໃຫ້ທຸກຄົນທີ່ກໍາລັງຢູ່ໃນໄລຍະເວລາທີ່ຍາກລໍາບາກນີ້ ເຂັ້ມແຂງ ລວມເຖິງຜູ້ທີ່ລໍຄອຍໃຫ້ວິດກິດນີ້ສິ້ນສຸດລົງຢູ່ທີ່ບ້ານຢ່າງອົດທົນ, ພວກເຮົາຈະຜ່ານມັນໄປໃນໄວໆນີ້ ແລະ ດ້ວຍກັນທຸກຄົນ ” ເມສຊີ ກ່າວ.