ອາເມຍ ຂານ ບໍລິຈາກຕຶກ 4 ຊັ້ນໃຫ້ກັບ NHS ຕ້ານໂຄວິດ

686

ອາເມຍ ຂານ ນັກມວຍຊາວອັງກິດ ເຊື້ອສາຍປາກິດສະຖານ ບໍລິຈາກຕຶກ 4 ຊັ້ນໃຫ້ແກ່ ໜ່ວຍງານບໍລິການສຸຂະພາບແຫ່ງຊາດ ( NHS ) ເພື່ອຕໍ່ສູ້ກັບເຊື້ອຈຸລະໂລກສາຍພັນໃໝ່ ໂຄວິດ-19 ເນື່ອງຈາກໜ່ວຍງານດັ່ງກ່າວຂາດແຄນສະຖານທີ່ ແລະ ຕຽງຄົນເຈັບ.

ອາເມຍ ຂານ ເຈົ້າຂອງຫຼຽນເງິນ ໃນໂອແລມປິກ 2004 ເປີດເຜີຍຜ່ານເຟສບຸກ ແລະ ທະວິດເຕີສ່ວນຕົວວ່າ: ອາຄານດັ່ງກ່າວກຽມໄວ້ ເພື່ອໃຊ້ເປັນສະຖານທີ່ຈັດງານວິວາ ແລະ ຮ້ານຄ້າຕ່າງໆ ກ່ອນປະກາດຂໍມອບໃຫ້ກັບ NHS ເພື່ອໃຊ້ໃນການຮັບມືກັບ ໂຄວິດ-19 ພ້ອມອວຍພອນໃຫ້ກັບທຸກຄົນປອດໄພ.