ສ່ອງ ມູໂຄໂຄ ດາວດວງໃໝ່ແຫ່ງ ບຸນເດສລີກາ ເຢຍລະມັນ

490

ສະຊູຟາ ມູໂຄໂຄ ນັກເຕະເຍົາວະຊົນຂອງ ໂບຣຸສເຊຍ ດ໊ອດມູນ ອາຍຸພຽງ 15 ປີທີ່ຫາກໍສ້າງສະຖິຕິໃໝ່ໃນບຸນເດສລີກາ ເຢຍລະມັນ ຮຸ່ນອາຍຸບໍ່ເກີນ 17 ປີ ແລະ ຮຸ່ນອາຍຸບໍ່ເກີນ 19 ປີ ໄດ້ພາຍໃນເວລາພຽງ 2 ລະດູການເທົ່ານັ້ນ.

ຫຼັງກ້າວຂຶ້ນໄປຫຼິ້ນໃນທີມຊຸດ ຢູ 15, 16 ແລະ 17 ປີໃນໄລຍະ 3 ປີ ມູໂຄໂຄ ກໍໄດ້ກ້າວຂຶ້ນມາຫຼິ້ນໃນຢູ 19 ປີ ທັງທີ່ອາຍຸພຽງ 15 ປີ ແລະ ສ້າງຜົນງານຢ່າງໂດດເດັ່ນຍິງໄປທັງໝົດ 34 ປະຕູ ທັງທີ່ຍັງເຫຼືອເຖິງ 6 ນັດ ທໍາລາຍສະຖິຕິທີ່ເຄີຍເຮັດໄວ້ 33 ປະຕູຂອງ ຮາລຸກ ເຕີເຄຣີ ຈາກທີມເຟົາເອັຟເອລ ໂບຄຸມ ໃນລະດູການ 2004-2005 ແລະ ໂຢຮັນເນສ ເອັກເກີສະໂຕ ຈາກແວເກີ ເບຣເມນ ໃນລະດູການ 2015-2016.

ຈຸດເລີ່ມຕົ້ນຂອງ ມູໂຄໂຄ ເປັນທີ່ໜ້າຕິດຕາມເລີ່ມຈາກນັດລະຫວ່າງ ດ໊ອດມູນ ກັບ ຊາລເຄີ ຢູ 17 ໃນຕອນນັ້ນລາວອາຍຸພຽງ 12 ປີ ສາມາດຍິງໄດ້ 2 ປະຕູຊ່ວຍໃຫ້ທີມໄລ່່ຕີສະເໝີ ຊາລເຄີ 4-4 ເຊິ່ງຈົບລະດູການດັ່ງກ່າວລາວຍິງໄປ 40 ປະຕູພາທີມຄວ້າແຊັມໄປຄອງ.


ສໍາລັບ ມູໂຄໂຄ ເກີດໃນວັນທີ 24 ພະຈິກ 2004 ທີ່ປະເທດກາເມີຣູນ, ແຕ່ຖືສັນຊາດເຢຍລະມັນ ເລີ່ມຕົ້ນການເປັນນັກເຕະຂອງ ຊັງ ເພົາລີ ໃນບຸນເດສລີກາ 2 ເມື່ອປີ 2016 ກ່ອນຈະກາຍເປັນດາວດວງໃໝ່ ຈົນຖືກເອີ້ນໄປຮັບໃຊ້ທີທີມຊາດເຢຍລະມັນ ຊຸດເຍົາວະຊົນ ໃນປີ 2017 ແລະ ສາມາດຍິງໄດ້ 3 ປະຕູຈາກ 4 ນັດທໍາອິດ.

ເປັນທີ່ໜ້າຈັບຕາວ່າ ສະຖິຕິນັກເຕະທີ່ອາຍຸນ້ອຍທີ່ສຸດຂອງ ດ໊ອດມູນ ແລະ ບຸນເດສລີກາ ເຢຍລະມັນ ຢ່າງ ນູຣິ ຊາຮິນ ໃນຕອນອາຍຸ 16 ປີ 11 ເດືອນ ກັບ 1 ວັນ ຈະຖືກທໍາລາຍລົງໄດ້ ຫຼື ບໍ? ເພາະຖ້າຫາກ ມູໂຄໂຄ ລົງຫຼິ້ນກັບທີມຊຸດໃຫຍ່ເລີ່ມລະດູການໜ້າ ຈະອາຍຸໄດ້ 11 ເດືອນ 1 ວັນ ຈະກາຍເປັນສະຖິຕິໃໝ່ທັນທີ.
(ຮູບຈາກ: Youssoufa Moukoko)