ແມນຢູ ຫຸ້ນຕົກເຖິງຫຼາຍກວ່າ 1 ຕື້ປອນ ໄລຍະ ໂຄວິດ-19 ລະບາດ

459

ຈາກການແຜ່ລະບາດຂອງ ເຊື້ອໂຄວິດ-19 ປັດຈຸບັນແຜ່ລາມໄປທົ່ວອາຊີ ແລະ ເອີຣົບ ເຊິ່ງຍັງບໍ່ສາມາດຄວບຄຸມໄດ້ ແລະ ທົ່ວໂລກມີຜູ້້ເສຍຊີວິດໄປແລ້ວເກືອບ 8.000 ຄົນ, ສ່ວນກິດຈະກໍາບໍ່ວ່າຈະເປັນຄວາມບັນເທີງ ແລະ ກີລາຕ້ອງຖືກຢຸດຊົ່ວຄາວ.

ຫຼ້າສຸດ ວົງການບານບານເຕະທັງໃນ ແລະ ນອກສະໜາມ ໄດ້ຮັບຜົນກະທົບຢ່າງໜັກ ຈາກການທີ່ເຊື້ອຈຸລິນຊີ ໂຄວິດ-19 ລະບາດທົ່ວໂລກ ຫຼ້າສຸດມີການເປີດເຜີຍວ່າ ແມນເຊັສເຕີ ຢູໄນເຕັດ ມີມູນຄ່າໃນຕະຫຼາດຫຸ້ນຕົກລົງໄປເຖິງ 1 ຕື້ປອນ.

ສ່ວນພຣີເມຍລີກ ອັງກິດ ປັດຈຸບັນຖືກລະຢຸດການແຂ່ງຂັນຊົ່ວຄາວ ຄາດວ່າຈະກັບມາແຂ່ງຂັນໄດ້ອີກໃນວັນທີ 3 ເມສາ 2020 ຫຼື ເລື່ອນອອກໄປອີກຖ້າຫາກສະຖານະການຂອງເຊື້ອດັ່ງກ່າວຍັງບໍ່ສາມາດຄວບຄຸມໄດ້ ເຮັດໃຫ້ມູນຄ່າຂອງຫຼາຍທີມໃນຕະຫຼາດຫຸ້ນຕົກລົງ ໂດຍສະເພາະ ແມນເຊັສເຕີ ຢູໄນເຕັດ ທີ່ມີລາຍງານວ່າ ມູນຄ່າຕົກລົງເກືອບ 2 ຕື້ປອນ ຖ້າຫາກທຸກຢ່າງຍັງແບບນີ້ ເພາະໂຄວິດ-19.