ມວຍລາວ ນະຄອນຫຼວງ-ກໍກຽດແດນຈຳປາ ອາທິດນີ້ມັນແນ່ນອນ ແຊັມຂຶ້ນຊົກ

449

ມວຍລາວຄູ່ເອກອາທິດນີ້ ຂຸນເຫຼັກ ສະໂມສອນຄໍາເສັງ ເຈົ້າຂອງສາຍແອວແຊັມມວຍລາວ ຊີງແຊັມທ່ານຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ (ນວ) ຄັ້ງທໍາອິດທີ່ຈັດຂຶ້ນໃນປີ 2019 ຈະຂຶ້ນຊົກກັບ ເພັດໂພໄຊ ສໍສີຣິນທາ ໃນຮຸ່ນ 59 ກິໂລກກຣາມ ໃນການແຂ່ງຂັນມວຍລາວລາຍການ ນະຄອນຫຼວງ-ກໍກຽດແດນຈຳປາ ປະຈຳປີ 2020 ອາທິດນີ້ວັນເສົາທີ 11 ມັງກອນນີ້ ທີ່ເວທີມວຍ ສະຫະພັນມວຍລາວ ນະຄອນຫຼວງວຽງຈັນ ບ້ານບຶງຂະຫຍອງ ເມືອງສີສັດຕະນາກ ນະຄອນຫຼວງວຽງຈັນ

ສ່ວນມວຍຄູ່ອື່ນໆປະກອບມີ:

-ຄູ່ທີ 1 ໄຊມ້ອນ ປກສ ພົບ ມູງຄົນເຫຼັກ ສໍສີຣິນທາ ໃນຮຸ່ນ 55 ກິໂລ

-ຄູ່ທີ 2 ຊົມຊາດ ສິດໂຕພາລຸ້ງ ພົບ ເພັດໜອງຄາຍ ສໍສີຣິນທາ ຮຸ່ນ 54 ກິໂລ

-ຄູ່ທີ 3 ສົມບັດ ສໍຮຸ່ງອາລຸນ ພົບ ເພັດຈະເລີນ ສໍສິຣິນທາ ຮຸ່ນ 57 ກິໂລ

-ຄູ່ທີ 5 ເຜົາຂະມຸກ ສິດໂຕພາລຸ້ງ ພົບ ຄໍາເຟືອງ ຕະຫຼອດຫ້ວຍຫົງ ໃນຮຸ່ນ 60 ກິໂລ

-ຄູ່ທີ 6 ກະລ້ຽງ ສິດຂຸນພົນ ພົບ ເພັດມະນຸດ ສິດມຸງຄຸນເພັດ ໃນຮຸ່ນ 50 ກິໂລ

ສໍາລັບ ຂຸນເຫຼັກ ສະໂມສອນມວຍ ຄໍາເສັງ ຖືກສອກຄູ່ແຂ່ງຕັ້ງແຕ່ຍົກທໍາອິດ ຈົນດັງຫັກ ແຕ່ກັດແຂ້ວສູ່ ກ່ອນພິກສະຖານະການເອົາຊະນະ ກັບຕັນ ຂວັນໃຈສີໂຄ້ດ ໄປສຸດມັນ ຄວ້າສາຍແອວແຊັມ ການແຂ່ງຂັນມວຍຮອບ ຮຸ່ນນໍ້າໜັກ 55 ກິໂລກຣາມ ຊີງແຊັມສາຍແອວທ່ານຫົວໜ້າພະແນກສຶກສາທິການ ແລະ ກີລາ ນະຄອນຫຼວງວຽງຈັນ (ນວ) ຄັ້ງທໍາອິດ ໃນວັນທີ 10 ສິງຫາ 2020.

(ຂ່າວ-ພາບ: ຄໍາສອນ)