ເອຊີມິລານ ເປີດຕົວ ອິບຣາຮິໂມວິຊ ຮ່ວມທີມຢ່າງເປັນທາງການ

397
Zlatan Ibrahimovic holds an AC Milan jersey as he poses photos at the team's headquarters, in Milan, Italy, Thursday, Jan. 2, 2020. The 38-year-old striker has returned to the club he left nearly eight years ago and needs to make an immediate impact on a team in 11th place and still reeling from a 5-0 defeat to Atalanta. (Claudio Furlan/LaPresse via AP)

ເອຊີມິລານ ທີມຍັກໃຫຍ່ໃນກັລໂຊ ເຊເຣຍອາ ອິຕາລີ ປະກາດຄວ້າ ຊລາຕັນ ອິບຣາຮິໂມວິຊ ອະດີດນັກເຕະທີມຊາດຊູແອັດ ກັບມາຮ່ວມທີມຢ່າງເປັນທາງການ ໃນວັນທີ 2 ມັງກອນ 2020 ໂດຍເຊັນສັນຍາຮ່ວມກັນເປັນເວລາ 6 ເດືອນ ພ້ອມກັບເງື່ອນໄຂຂະຫຍາຍສັນຍາຈົນຈົບລະດູການ 2020-2021.

ອິບຣາຮິໂມວິຊ ອາຍຸ 38 ປີໝົດສັນຍາກັບ ແອລເອ ກາແລັກຊີ ທີມໃນເມເຈີລີກ ຊອກເກີ ສະຫະລັດອາເມຣິກາ ກ່ອນຈະຕົກລົງກັບມາຮ່ວມກັບ ເອຊີມິລານ ໂດຍໃສ່ເສື້ອໝາຍເລກ 21.

ສໍາລັບ ອິບຣາຮິໂມວິຊ ເຄີຍຫຼິ້ນໃຫ້ກັບ ເອຊີມິລານ ມາແລ້ວໃນລະຫວ່າງປີ 2010-2012 ສາມາດຍິງໄດ້ 56 ປະຕູ ຈາກການລົງແຂ່ງຂັນ 85 ນັດ ພ້ອມກັບຊ່ວຍທີມຄວ້າແຊັມ ກັລໂຊ ເຊເຣຍອາ ອິຕາລີ ແລະ ອິຕາລຽນ ຊູບເປີ ຄັບ ໄດ້ຢ່າງລະ 1 ສະໄໝ.