ເອັສຣາ ຖະຫຼົ່ມ ລ໋ອບ ສະເຕດ້ຽມ ຂາດລອຍ ປ້ອງກັນແຊັມບານເຕະຊີງຂັນ ສຕລ ຢູ 15

409

ເອັສຣາ ເອັຟຊີ ຮຸ່ນອາຍຸບໍ່ເກີນ 15 ປີ ຮັກສາຟອມໂດດເດັ່ນ ຫຼ້າສຸດຖະຫຼົ່ມ ລ໋ອບ ສະເຕດ້ຽມ ໄປຂາດລອຍ 6-1 ໃນນັດຊີງຊະນະເລີດ ບານເຕະຊີງຂັນ ສຕລ 2019 ຮຸ່ນອາຍຸບໍ່ເກີນ 15 ປີ ເມື່ອວັນທີ 14 ທັນວາ 2019 ຄວ້າແຊັມໄປຄອງ ພ້ອມເປັນແຊັມສະໄໝທີ 2 ຕິດຕໍ່ກັນ.

ຢູ 15 ເອັສຣາ ເອັຟຊີ ສ້າງຜົນງານໂດດເດັ່ນລົງສະໜາມ 6 ນັດຊະນະ 5 ແລະ ສະເໝີ 1 ນັດ ຜ່ານເຂົ້າຮອບຮອງຊະນະເລີດໃນຖານະແຊັມກຸ່ມ B ໄປພົບກັບ ດີເຄ ເອັຟຊີ ຮອງແຊັມກຸ່ມ A ກ່ອນຈະສາມາດເອົາຊະນະໄປ ດີເຄ ເອັຟຊີ 2-0 ຜ່ານເຂົ້າຮອບຊີງຊະນະເລີດພົບກັບ ລ໋ອບ ສະເຕດ້ຽມ ທີ່ຮອບຮອງຊະນະ ລາວໂຕໂຢຕ້າ ເອັຟຊີ 9-8 ໃນການດວນຈຸດໂທດ ຫຼັງສະເໝີກັນ 1-1 ໃນເວລາປົກກະຕິ ຜ່ານເຂົ້າຮອບຊີງຊະນະເລີດ.

ຮອບຊີງຊະນະເລີດ ເອັສຣາ ເອັຟຊີ ຄຸມເກມເໜືອກວ່າ ລ໋ອບ ສະເຕດ້ຽມ ກ່ອນ ເອັສຣາ ເອັຟຊີ ຈະເອົາຊະນະໄປຂາດລອຍ 6-1 ຄວ້າແຊັມໄປຄອງ ພ້ອມທັງເປັນການປ້ອງກັນແຊ້ມໄດ້ສໍາເລັດ ໄດ້ຮັບຂັນ, ຫຼຽນ ແລະ ເງິນຈຳນວນ 15.000.000 ກີບ, ສ່ວນອັນດັບ 2 ລ໋ອບສະເຕດ໋ຽມ ໄດ້ຮັບຫຼຽນ ແລະ ເງິນຈຳນວນ 10.000.000 ກີບ.

ສ່ວນຄູ່ຊີງອັນດັບ 3 ດີເຄ ເອັຟຊີ ເອົາຊະນະ ລາວໂຕໂຢຕ້າ ເອັຟຊີ 4-1 ໃນການດວນຈຸດໂທດ ຫຼັງສະເໝີກັນ 1-1 ໄດ້ຮັບຫຼຽນ ແລະ ເງິນ ຈຳນວນ 5.000.000 ກີບ ໄປຄອງ. ຂະນະທີ່ ອາທິດ ຫຼວງລາດ ກອງໜ້າຈາກ ລ໋ອບສະເຕດ້ຽມ ໄດ້ຮັບລາງວັນນັກເຕະຍິງປະຕູສູງສຸດ ໂດຍຍິງໄດ້ທັງໝົດ 13 ປະຕູ.